Picasso eskultore. Materia eta gorputza

Materia eta gorputza erakusketak 1909tik 1962ra bitarte egindako 50 eskultura baino gehiago biltzen ditu, giza figura eta materia ardatz hartuta. Bertan, Pablo Picassok bere ibilbidean giza gorputzaren formak irudikatzeko erabili zituen estilo guztiak agertzen dira. Picassoren eskulturen ia hirurogei urteko ibilbide honek zalantzan jartzen ditu eskulturaren eta pinturaren zein obra amaituaren eta proiektuaren arteko mugak, eta kubismoan, abstrakzioan, primitibotasunean eta aurkitutako objektuan zehar doan ibilbide historikoa proposatzen du. Erakusketa nazioarteko Picasso Ospakizuna 1973–2023 programaren parte izan zen.