Ur Handitan Replay

1. LGTBI+

Euskal Herriko LGTBIQ+ mugimenduan murgilduko gara. LGTBIQ+ komunitateko pertsonek Euskal Herrian bizi dituzten errealitate desberdinak ezagutuko ditugu. Gure protagonistak hauek izango dira: Mikele Grande, izeneko nerabe transexualaren egunerokotasuna ezagutuko du. Bere familiak eta lagunek gaia nola bizi duten erakusteaz gain, hormonatze prozesua zertan datzan azalduko du Mikelek. Iker Mariezkurrena izeneko hiru urteko haur transexual baten familiaren testigantza ere izango dute.

2. Aniztasun Funtzionala

Aniztasun funtzionala duten pertsonen errealitatea aztertuko dugu atal honetan. Xabier Madariagaren eskutik Down Sindromea, hitz-motelak edo gorrak diren pertsonen testigantzak entzungo ditugu.

3. Musikaren gailurrean

Ur handitanen Euskal Herriko hiru musika talde ospetsuenen historia eta ibilbidea errepasatu genuen; Zea Mays, Berri Txarrak eta Hertzainak.

4. Kirola

Ur Handitaneko atal honetan euskal kirolaren elitea elkarrizketatzen dugu. Mendizale, surflari, boxeolari eta arraunlari desberdinekin hitz egin dugu haien istorioak ezagutzeko eta euskal kirolean izan duten eragina ezagutzeko. Edurne Pasaban, mendizalea Patxi Pikabea, mendizalea Iñaki Artetxe, surflaria Javier Artetxe, surflaria Garazi Sanchez, besteak beste.

5. Askotariko emakumeak

Abortua, amatasuna, inmigrazioa, kartzela… Nola bizi dituzte emakumeek prozesu hauek guztiak? Xabier Madariagak emakume desberdinekin hitz egin du bere bizipenak ulertu eta mahai gainean jartzeko.

6. Matxismoa

Sexu-eraso salaketak eguneroko kontu bilakatu dira azken urteotan. Besteak beste, jende asko elkartzen den festa askoren ostean entzuten ditugu halako albisteak, eta kasu horien atzean dauden bizipen pertsonalak ezagutuko ditugu.

7. Familiak

Atal honetan gaur egun dauden familia eredu desberdinak erakutsi nahi ditugu. Harrera familia beharrean dauden haurrak asko dira. Bakoitzak iragan eta errealitate ezberdina bizi du, eta honi aurre egiten lagunduko dion familia bat ezinbesteko dute. Ez da bidaia erraza izaten, eta harrera haurra bere guraso biologikoengana itzultzeko beldurrak botatzen du atzera gizartearen gehiengoa. Errealitate ezberdin hauek iksuko ditugu. Honez gain, IVF prozesuak egin behar izan dituzten bikoteekin eta haur jaioberria galdu duten bikoteekin hitz egingo dugu.

8. Sexu abusuak haurtzaroan

Adin txikikoak zirenean sexu abusuak pairatu zituzten zenbait biktimen testigantzak bilduko ditu Xabier Madariagak.

9. Minbizia

Xabier madariaga minbizia izan duten pertsonekin egongo da eta euren familiekin hitz egingo du prozesu hori barnetik nola bizi den jakiteko.

10. Osasun mentala eta suizidioak

Osasun mentalak sortzen dituen gaixotasunak gero eta maizago dira: estresa, antsietatea, depresioa, anorexia… Hauek sufritu dituzten pertsonen testigantzak entzungo ditugu.

11. Mendekotasunak

Kapitulu honetan drogen, alkoholaren edo jokoaren mendekotasuna pairatu dituzten pertsonen istorioak ezagutzen ditugu.

12. Sexua

Ohikoa da aniztasun funtzionala duten pertsonen sexualitatea estigmatizatzea eta ezkutatzea, eta askok uste dute minusbaliotasun bat izateagatik ez dutela serio hartzen. Atal honetan, sexuari buruz hitz egingo dugu. XXI. mendean sexua bizitzeko eta pertsonekin konektatzeko modu desberdinak aztertuko ditugu.