Teknopolis

Ilargiaren itzalean

Denboraldiko azken saioan abuztuaren 12ko eguzki-eklipseaz arituko gara Naiara Barrado EHUko astrofisikariarekin, eguzkiaren koroaren ikerketaz Kanarietako Astrofisika Insitututko Iñigo Arreguirekin, eta animaliek eklipsean izango duten portaeraz Urdaibai Bird Centerreko Edorta Unamunorekin.

ON Zientzia, inoiz baino gazteago

ON Zientzia bideo-lehiaketaren 16. edizioko sari-banaketa eta bideo irabazleak.

Teknologiak menuan

Food 4 future azokan, BRTAko zentroek etorkizuneko menua hobetuko duten teknologiak aurkeztu dituzte: Tecnaliak nekazaritzarako robot bat eta garapen bioteknologikoak erakutsiko ditu, Aztik elikagai berriak sortzne ditu eta adimen artifiziala garatzen du helburu nutrizionalekin, eta Neikerren agrovoltaikoaren aukerak aztertzen dihardute.

Adimen artifiziala markak hausteko

Iñigo Urteaga BCAM zentroko ikertzaileak azalduko digu nola lagundu dezakeen adimen artifizialak kirolean hobetzen; zentro horretako beste ikertzaile batzuek Universitario Bilbao Rugby taldeko jokalariak sentsorizatu dituzte haien errendimendua optimizatzeko, Sweatheart proiektuaren baitan. Eta Amaia Ostolaza atletak glucovibes aplikazioa erakutsiko digu; glukosa-maila monitorizatzen du bere metabilismoa erregulatzeko.

Baskoiak eta erromatarrak: hibridazio baten lorratzak

Aranzadik antolatutako ‘Irulegitik Pompelora’ erakusketa bisitatuko dugu, han ikusgai dauden piezak zer aztarnategitatik atera diren ikusiko dugu eta zeramiken erreplikak nola egin dituzten azalduko digute Euskal Buztingintzaren Museoan.

Ingeniaritza osasunaren mesedetan

Ingeniaritza biomedikoaren azken aurrerapenak Mondragon Unibertsitateko Maialen Aginagalderen eskutik; Mondragon Goi Eskola Politeknikoan Xabi Osa kirolariarentzat garatzen ari diren beso protesikoa; CIC Nanogune eta Domotec enpresa elkarlanean ari dira ehun eta organo artifizialak sortzeko bioinprimagailu bat sortzeko.

5.0 Industria: gizakia erdigunean

5.0 industriak ekarriko dituen aurrerapenak Miren Illarramendi Mondragon Unibertsitateko ingeniariarekin; Tknikak sustatutako ikas-fabrikak etorkizuneko langileak trebatzen; MUk gidatutako proiektu bat material kritikoen txirbilari bigarren bizitza bat emateko.

Azpiegitura bereziak, puntako zientzia egiteko

BRTA aliantzako zentroen hiru azpiegitura berezi bisitatuko ditugu: Neikerren segurtasun biologiko goreneko laborategia, txip kuantikoak diseinatzeko CIC Nanoguneren dorre berria eta Tecnaliaren hidorgenoaren laborategia.

Planeta, porrot hidrikoan

Ane Zabaleta EHUko hidrologoak porrot hidrikoan sartu garela azalduko du; EHUk zuzendutako proiektu batek Deba ibaiko presak eraitsi ditu bertako ekosistema hobetzeko; Zuriñe Zulaika ETBko meteorologoak negu honetan izandako 11 borrasken atzean dagoena erakuitsiko digu.

Zibersegurtasuna: aro digitalaren erronka

Javier Diéguez Cyberzaintzako zuzendariari elkarrizketa; Mondragon Unibertsitateko ikertzaileek garatzen dituzten ikasketa federatuko ereduak, adimen artifiziala entrenatzeko datuak babestuta; Tknikak antolatutako Cyberlehia lehiaketaren finala.

Itsasoan nabigatzeko aurrerapenak

Bermeoko Nautika eta Arrantza Eskolara bisita; eguzki-panelen bidez kargatzen diren itsasontzi elektrikoak Abadiñoko Lasai enpresan; ur-azaletik altxatzen diren Foilchemy enpresaren foilak Orion.