Super Dino

D1: 1. Superdinoen Rex Taldea

Dinosauroak existitzen dira? Kung-Kung Herrian, bai behintzat! Joy haur adimentsuaren gidaritzapean, dinosauroz eratutako Superdino Rex taldeak erreskateak egiten ditu. Atal honetan, Maxek, hiriko gaizkileak, Sitta dinosauroaren arrautzak lapurtuko ditu. Superdino Rex Taldeak lanari ekin beharko dio orduan!

D1: 2. Dinosauro bat galdu da herrian

Argen izeneko dinosauro erraldoi bat Kung Kung herrian galdu da. Dinosauro mota honek, egundoko kiratsa duten puzkerrak botatzen ditu! Zoritxarrez, Argenek estropezu egin eta burua kaiku batean sartuko du. Noraezean arituko da orduan, Rex Taldeak esku hartzen duen arte.

D1: 3. Tyraren hortzetako mina

Tyrak, gozokiak jaten ari dela, hortzetako min bizi-bizia sentitzen du. Eta dentistarengana joateko izuturik dagoenez, ihes egiten saiatuko da Kung Kung herriko gidari zein oinezkoak arriskuan jarriz. Ondorioz, Rex Taldea erreskatera abiatuko da Tyraren hortz usteldua kentzeko asmoz.

D1: 4. Lurrikara arriskutsua

Pararen urtebetetze eguna da, baina bere aita Parolo festara berandu helduko ote den beldur da. Aurten garaiz helduko dela zin egin dio, baina tamalez, Pararen frutarik gustukoenaren bila doanean, lurrikara batekin egingo du topo!

D1: 5. Gelditu trena!

Lamo eta Lamby amonaren etxera doaz, baina zoritxarrez, bart gaueko ekaitzaren ondorioz, trenbidea apurtu egin da. Hortaz, Joyek Rex Taldea bidaliko du erreskatera! Onik iritsiko ote dira Lamo eta Lamby amonaren etxera?

D1: 6. Dochy txikitu egin da!

Maxek, dinosauroak txikitzen dituan laser-izpidun pistola bat dauka. Dochy brankiosauroarekin probatuko du, baina laser-izpiak uste baino lehen agortuko zaizkio eta tunel batean geratuko dira harrapaturik. Rex Taldeari deituko diote, baina helduko ote dira tunela jausi baino lehen?

D1: 7. Sute erraldoia

Tyra beldurti hutsa da. Ondorioz, Velo eta Dilok iseka egiten diote, koldartzat baitute. Baina egun batean, sute erraldoi batekin egingo dute topo basoan, eta Velo eta Dilo harrapaturik geratuko dira. Orduan, Tyra ausardiaz bete eta bere lagunak erreskatatzera abiatuko da. Rex Taldea garaiz helduko ote da laguntzera?

D1: 8. Arriskua eskiatzeko pistan

Spino, Dilo eta Lamo Kun Kun Herriko eskiatzeko pistan daude. Spino hasiberria den arren, aldapa zorrotzak jaisteko gai sentitzen da. Baina tamalez, abiadura bizian, pistatik atera eta labar batean geratuko da zintzilik. Rex Taldea erreskatera abiatuko da orduan. Garaiz helduko ote dira?

D1: 9. Al jauna burugogor hutsa da!

Al jauna enborrez gainezka dagoen kamioi bat gidatzen dabil, egur zatiak errepidean zehar erortzen hasten zaizkionean. Ondorioz, egundoko iskanbila eragingo du Kun Kun Herrian. Windyk ohartarazi egingo dio, baina Al jauna mendian gora abiatuko da, eta halako batean, motorrak huts egingo dio, baita frenoek ere. Lortuko al du Windyk Al jauna salbatzea?

D1: 10. Geldi, lapurra!

Baok jatea maite duenez, okindegiko Dino-opil guztiak lapurtu ditu. Ogi-saltzaileak, ordea, lapurra Karno dela usteko du, hutsegitez. Izan ere, Karno bihotz oneko dinosauroa den arren, maltzur itxura du. Zorionez, Rex Taldeak Karno errugabea dela frogatuko du. Beraz, zer egingo du Baok egia ezagutzen denean?

D1: 11. Aitona superheroia da!

Gogo, lagunekin jolastea maite duen dinosauro kumea, aitonaren bila doa tren geltokira. Baina elkar ikus bezain laster, aitona gogaikarri jarriko da Gogorekin. Gainera, motel samarra denez, dinosauro txikiak haserre egingo du alde. Ezustean, zubi zahar batetik erori eta aitona biloba erreskatatzen saiatuko da. Lortuko al du bikoteak onik ateratzea?

D1: 12. Salba dezagun Lara

Maxek, kohete moduko gailu bat jarri dio Larari. Izan ere, hegazkin pribatu bihurtu nahi du. Hala eta guztiz ere, motorra gehiegi berotzearen ondorioz, gailuak eztanda egingo du eta Lara abiadura bizian joango da, kontrolez kanpo. Rex Taldea Lara salbatzeko gai izango ote da?