Spoiler maitea

D1: 1. Lehen match-aren bila!

Sexu-fantasia ezkutuak, gurasotasuna eta abilezia sekretuak hizpide izango dituzte parte hartzaileek lehen saio honetan. Jende askorentzat "red flag" izan daitekeen ohitura batek kinka larrian jarriko du parte hartzaileetako bat: erretzea. Marra gorriak onartuta ere, feelinga sentitzea biren kontua da. Nork lortuko du "match" egitea?

D1: 2. Eskuekin abilezia, otakuak eta batxatarik beroena

"Spoiler maitea" saioan mota guztietako harremanak sor daitezke, eta mutil-laguna duen parte-hartzaile bat ezagutuko dugu saio honetan! Bere zita aho bete hortz geldituko da, baina hori ez da izango kanporatzeko arrazoia... Tenperatura asko igoko da saio honetan eta beste parte-hartzaile batek jokoaren arauak berridatziko ditu, "super-match" bat lortuta!

D1: 3. Lo egitea, larrua jotzea baino nahiago?

Gay "berriak", "vogue" dantza eta "manhater" bat ezagutuko ditugu hirugarren saio honetan. Batzuentzat "red flag" bat bada ere, futbolak bi athleticzale batuko ditu eta "match" bat baino gehiago ikusiko ditugu. Polimaitasuna, puntualtasun falta eta jeloskortasuna izango dira parte-hartzaileen marra gorriak azaleratuko dituzten gaietako batzuk.

D1: 4. Ezusteko kointzidentziak

Galtzerdi magikoak, iraganeko mamuak eta narrasti exotikoak ditugu laugarren atal honen protagonistak. Lehenengo aldiz, botoia sakatzeaz damutzen den norbait izango dugu parte-hartzaileen artean! Baita elkar ezagutzen diren bi lagunen arteko zita bat ere! Sortuko al da "match"-ik programa honetan?

D1: 5. Bateragarriak ala bateraezinak?

Harreman irekiak, bai ala ez? Altuera garrantzitsua da bikotekidea bilatzerako orduan? Erretzeari utziko zenioke zure bikotekideak eskatuz gero? Galdera horiek eta askoz gehiago izango dira bosgarren saio honetako spoilerrek sorraraziko dituztenak. Erantzunak ondo pentsatu eta komunean jarri ondoren, bat etorriko al dira parte-hartzaileak, edo bakoitza bere kabuz bueltatuko da etxera?

D1: 6. Igo da temperatura!

Seigarren programa honetan tenperatura igotzeko momentua heldu da: Hirukoteei buruzko anekdotak, sexua dutxan izatearen aldeko eta kontrako ikuspuntuak eta kamiseta kentzeko proposamen bat izango ditugu atal honetan. Adrenalina eta abentura bereziki maitatzen dituzten parte-hartzaile hauek prest daude elkar ezagutzeko, baina... "match" egitea lortuko al dute?

D1: 7. Neska potenteak, "gymbro"-ak eta dieta bateraezinak

Hurbiltzen ari da esperimentu honen amaiera, baina gure parte-hartzaileak oraindik ere irrikitan daude beraien "match" perfektua topatzeko. Arrautza frijituak gorrotatzeak, egunero makillatzeak edo lagunekin tabernetara joateko zaletasuna izateak ez dirudite lehenbiziz gai polemikoak, baina saio honetan ondo dakigu baten zaletasunak parekoaren "red flag" bilakatu daitezkeela edozein momentutan.

D1: 8. Azken dantza

Maitasuna aurkitzeko gogoa ezin da inoiz galdu eta hori ondo dakite denboraldiko azken saio honetara heldu diren parte-hartzaileek. "Match" bat lortzeko hiru gauza dira funtsezkoak: aurreiritziak alde batera uztea, kimika dagoela ziurtatzea eta norberarekin zintzoa izatea. Azken dantza honetan, zenbat "match" lortuko ditugu?