Se llamaba como yo

0. Trailer: "Se llamaba como yo"

Denboraldi berriari ekitera gatoz, gustukoen duguna egiten jarraitzeko: isiltasuna hautsi. Ekainaren lehenean, igandez, abiatuko dugu, “Se llamaba como yo”, izen baten inguruko sail dokumentala. Familia baten isiltasunaz eta isiltasuna hautsi zuen zarata biltzen ditu. Se Habla Producciones-en seriea, EITB Mediarekin elkarlanean ekoitzi da, Espainiako Kultura Ministerioaren diru laguntza tarteko.

1. Begoña

Zenbaterainoko zama izan dezake izen batek? Begoña lasartearra da, gipuzkoarra. Bere bizitza familiaren isiltasunaren menpe egon da, inork aipatu ezin zuen ausentzian ainguratuta. Ezin zen garai hari buruz hitz egin. Ezagutu ez zuen ahizpa, Begoña, bi urterekin hil zen, eta izen berdina jarri zioten berari ere. Heriotza haren historia, gurasoen tristeziaren adabakiak josiz eraiki ahal izan zuen, zartatzen hasi zen arte. Honela hasten da bere historia.

2. El silencio

Nola egin ezagutu ez duzunarekiko dolua? Begoñak bizitza osoa behar izan du gurasoek eguneroko gertakari arrunten aurrean bizi zuten izuaren zergatia ulertzeko. Isiltasunez, "ixo"z jositako izua, belaunaldiz-belaunaldi pasa dena; norbaitek entzun nahi izan duen arte.

3. Lasarte

Zer da biktima izatea? Luzaro, Begoren ahizpa, itzal lausoa zen soilik: inolako zerrendatan azaltzen ez zen izena. “Istripua”. “Albo kaltea”. Modu horretan eraiki zen Urroz familia eta bizi zen herria inguratu zuen isiltasun astuna. Herriak halako batean omenaldi batean parte hartu nahi zuten galdetu zien arte. Eta Amak, 50 urteko isiltasunaren ondotik, baietz esan zuen. Atal honek azaltzen du, nola oso pixkanaka, fokua aldatu arazi zuen: familia bati zuzendutako fokua, baina baita gizartearekiko fokua ere.

4. El eco

Nola zabaltzen da oihartzuna? Hamarkada askotan inork ez zuen Begoña Urroz aipatu ere egin. Halako batean, bere izena liburu, komunikabide eta ekitaldi ofizialetan aipatzen hasi zen arte. Bat-batean, isilpean pasa zen izena leku guztietan ageri zen: Begoña Urroz, ETAren aurreneko biktima. Atal honetan jasotzen da nola bakardadean bizi izandako historia, nahi gabe, egia kolektiboan bilakatu zen.

5. El día

Nola erabakitzen da data bat? Data batek, egutegiko egun soil bat dirudi, zenbaki bat. Baina inoiz oroigarri batean bilakatzen da: harrizkoa izan gabe, denboraz osatutako oroigarri batean. Atal honetan aipatzen da, ekainaren 27ko data sinbolo nola bilakatu zen. denboraz osatutako oroigarri. Eta oroigarria bailitzan, data hori eraikitzea, nork, nola eta zergatik erabaki zuen da oinarrizko galdera: zein memoria azpimarratzea erabaki zen. Eta zein memoria geratu ziren kanpoan. Data publiko bakoitza baita, berez, hitz egiten duen errelatoa. Batez ere erabakia hartu duen herriarena.

6. Las versiones

Nola idazten da historia? Luzaro, urte askotan zehar, Begoña Urrozen izena, ekitaldi ofizialetan ahoz aho ibili zen, titularretan, Diputatuen Kongresuko hitzaldietan. Historia publikoa zen, ahots goran azaltzen zena. Bitartean, beste maila bateko historia ere ari zen saretzen: geldoagoa, zatituagoa, historia ofizialaren alboetan idazten ari zena. Atal honek, bi sare horiek aztertzen ditu: noiz aipatzen den bata eta noiz bestea, noiz gurutzatzen diren, noiz elkar osatzen duten. Eta erakusten du, batzuetan data bat aldatzea ez dela keinu sinbolikoa, baizik eta gure lehena irakurtzeko lekua aldatzea.

7. La cocina

Gaztearen B Aldea erakutsiko dizute Ainhoa Urretabizkaiak eta Xabier Doncelek, astelehenetik ostegunera gaueko 21:00etatik 22:00etara

8. Epílogo

Historia hau ixteko zorian geundela iritsi zen Begok Barne Ministerioari eskatuta zion espedientea. Bere ahizparen kasua nola tratatu zen ulertzen lagunduko zigula uste genuen espedientea. Baina espediente horrek zerbait gehiago biltzen zuen: orrialde amaierako aipamena norbaitek idatzi aurretik, Begoren gurasoek norbaitek entzun zitzan ahalegina egin zutela.