Plaz!

0. Trailer: "Plaz!". Liburu bat. Gonbidatu bat. Eta hortik sortzen den guztia

Nork esan du liburuei buruz hitz egitea aspergarria denik? “Plaz!” bideopodcasta, euskarazko literatura beste modu batera ezagutzeko plaza da. Irakurle sutsua den Nahia Sillerok gidatuta, atal bakoitzean gonbidatu ezagun batek liburu bat izango du abiapuntu, eta hortik aurrera... auskalo nora eramango gaituen elkarrizketak! Maitasuna, laguntasuna, identitatea, harremanak, bizitzako kezkak... Liburuetatik tiraka, denetarik izango dugu hizpide, umorez, naturaltasunez eta konplexurik gabe. “Plaz!” saioan liburuak ez dira helmuga, abiapuntua baizik.

1. Zer gertatzen da lagun batekin dugun harremana amaitzen denean?

Jone Arriolak, Elgoibarko zinema zuzendari eta gidoilariak, Miren Amurizaren “Pleibak” liburua ekarri du “Plaz!” podcastera. Liburuko istoriotik abiatuta, gaztaroko erreferentziez, ametsez eta laguntasun-harremanez aritu dira atal honetan. Baina, kontziente al gara laguntasun-harremanak ere hautsi daitezkeela? Eta zer gertatzen da lagun batekin dugun harremana amaitzen denean? Nola egiten zaio aurre lagun baten galerari?