My mad fat diary

D1: 1. Bai mundu zatarra

Ospitaletik etxerakoan, Raek topo egingo du bere aspaldiko lagun Chloerekin. Hark lagun berriak ditu, besteak beste hiru mutil eder, Chop, Finn eta Archie. Rae erabat maiteminduko da Archierekin. Baina Raek ez dauka konfiantza handirik Chloerekin, eta ez dio esango ospitalean egon denik. Rae etxera iritsi eta amak mutil-lagun berria daukala ikusiko du: Tunisiako immigrante ilegal bat, Karim.

D1: 2. Ukituta

Chloe mutil batekin dabil eta Rae, berriz, nahi eta ezinean. Bere itxurarekin deseroso sentitzen da, eta esperientzia sexualik izan ez duelako lotsatuta dago. Ustekabean Archiek berarekin ateratzeko eskatuko dio, eta Rae bere burua prestatzen hasiko da: jogging egingo du, liburutegitik sexuari buruzko liburu bat aterako du, eta zakarretara botako ditu etxeko litxarreria guztiak.

D1: 3. Jaun-andreok

Finn, Archie eta Chopek kontzertu batera gonbidatuko dute Rae. Baina “erdi-mutiltzat” dutelako gonbidatu dutela jakitean, tabernatik kanpora irten, haserre, eta Chloe soinketa-irakasleari felazio bat egiten ikusiko du.

D1: 4. Ez inori ezer kontatu

Raeri Finn gustatzen hasi zaio eta zalantzan dago esan ala ez esan. Rae kezkatuta dago laguntzat bakarrik hartuko ote duen, eta ospitaleko Danny Txapel Bik gomendatuko dio Finn hotz tratatzeko.

D1: 5. Bai Rae zoragarria 1

Raek festa batera joan nahi du baina amak debekatu egingo dio. Botikak eta alkohola nahastuz gero, Raek botaka egiten du. Eta horrek bizitza sozialean eragiten dionez, botikak hartzeari utziko dio.

D1: 6. Bai Rae zoragarria 2

Patata frijituen jatetxean daudela, Finn gustatzen zaiola esango dio Chloek Raeri. Rae bere poltsa bertan ahaztuta joango da, egunkaria barruan dagoela. Konturatutakoan itzuli, baina Chloek eraman duela esango diote. Chloeren etxera joan baina hark dena irakurri du, besteak beste, Chloeren kontrako irainak eta Raek Finnenganako duen maitasuna.