Man seeking woman

D2: 1. Hegoak

Mike triste dago, Josh ez baita harekin gelditzen azkenaldian, Kelly neska-lagun berriarekin dagoelako. Josh Mikekin egiten zituen planak eteten hasiko da Kellyrekin denbora gehiago pasatzeko, eta antza denez Liz eta gurasoekin ere ez da egoten jada. Hala ere, gauzak aldatu egingo dira Joshek asteburu bat pasatzean Kellyrekin eta haren lagunekin. Egoera horretan, arrotz sentituko da, eta konturatuko da eguneratu egin beharko duela.

D2: 2. Luma

Josh Clairerekin gelditzen hasiko da, baina, elkarrekin oheratzean, ez du lortzen hura asebetetzea. Jostailu sexualen denda batera eramango du, baina bertako produktuek kikildu egingo dute, eta, gainera, Clairek soilik laguntza sexualarekin lortuko du asetzea. Azkenean, terapeuta sexual batengana joango dira, baina horren ondorioz bien arteko harremana amaituko da. Hala ere, Joshek ez dio hain erraz alde egiten utziko.

D2: 3. Sega

Joshek denbora luzea darama bakarrik, eta soilik jokaldi luzeekin ligatzen du, nolabait esatearren. Halako batean, ilea galtzen hasiko da, eta, larrituta, prest egongo da edonorekin konformatzeko. Lizek uste du esajeratzen ari dela, baina Joshek, ahaleginduta, neska-lagun berria lortuko du, segurua eta fidagarria. Pozik omen dago harreman berriarekin, eta neska gurasoen etxera eramango du, ezagutzeko: hori ez da batere ohikoa. Denek ikusiko dute ez dagoela gatzik harremanean, eta, gainera, Joshek harekin ezkondu nahiko du, ezin omen duelako neska hoberik lortu. Hala ere, harremana zapuzten denean, Joshek jarrera berria izango du zitekiko.

D2: 4. Girlanda

Bulegoko Gabonetako festan, Lizek uko egingo dio Jimmy jatorrari, konpainiako bazkide gaztea delako, baina gau hartan bertan, gizon nagusi bat ezagutuko du, Gabonetako espirituarekin, eta, aspaldi ikusi gabe egon ondoren, sekulako kimika izango dute. Gizona negozio baten jabea da, lehen eskulanak egiten zituen eta ospetsua da mundu-mailan. Posta elektroniko bidez maite-jolasean ibiliko dira, baina gizona ezkonduta dago. Hala ere, Lizen lankide bekaiztiak harekin gelditzeko esango dio, Lizek zalantzak dituen arren. Trago bat hartzeko geldituko dira, eta gizonak esango dio emaztearekiko harremana hilda dagoela. Lizek uko egin nahi dion arren, ez da gai izango, eta harremana estuagoa bihurtuko da. Lizen amak, zuhur, ohartaraziko dio kontu horiek ez direla sekula ondo bukatzen.

D2: 5. Txartela

Ikasle ohien lehen topaketan, Joshek ikusiko du aspaldiko lagunek bizitza eta ibilbide profesional arrakastatsuak izan dituztela, eta lotsatu egingo da. Hala ere, laster zortea alde izango du, bulegoko arduraduna joan egingo delako eta Joshi eskainiko diotelako lanpostu hori. Liz asko poztuko da, baina ama, aurreikuspen handiekin, kezkatu egingo da, Joshek ez duelako bere potentzial osoa baliatuko. Joshi sinetsaraziko dio lanpostua txikiegia dela harentzat, eta ez duela konformatu behar bulegoko lan sinple batekin. Beraz, bere ametsaren atzetik joango da: bideojoko-diseinatzailea bihurtzea. Programazio-ikastaro bat egingo du, baina zailegia irudituko zaio, eta ikasiko du ametsen atzetik joatea ez dela modu bakarra bizitzan arrakasta izateko.

D2: 6. Eztia

Joshen bizitzak hobera egin du, baina triste jarriko da jakitean Rosak, gustuko duen lankide berriak, mutil-laguna duela. Mikek gomendatuko dio frogatzeko mutil-lagun ona izango litzatekeela egungoaren aldean, lagun ona izateaz eta interesak partekatzeaz gain, harekin oheratzen saiatu gabe. Rosak, mutil-lagunaz gaizki-esaka aritu ondoren, Josh gonbidatuko du jolas-gau batera. Joshek aukera paregabea izango du, baina, mutil-laguna ezagutzean, ikusiko du oso tipo ona dela, bera baino hobea. Joshek arma sekretu bat du, erabiltzeaz damutu daitekeen arren. Hala ere, ligatzeko gomendioak jasoko ditu ustekabeko pertsona baten eskutik.

D2: 7. Kaktusa

Rosak mutil-lagunarekin uztean, Joshek zirrara ezkutatuko du laguntzen dion bitartean. Bikote ideala osatzen dutela pentsatzen, erabaki du heldu dela zerbait egiteko ordua, baina bera ez da interesdun bakarra. Josh eta Rosa lagunak izateak abantaila ematen dio, eta mutil-lagunarekin etxetik joaten lagunduko dio, harekin denbora gehiago pasatzeko. Josh oso atsegina izan da Rosarekin, eta uste du haren mutil-laguna izango dela. Baliteke Joshek presioa behar izatea bere sentimenduak adierazteko, eta baliteke uste okerrak izatea harremanen hasierei buruz; uste horiek, gainera, ondorio negatiboak izan ditzakete.

D2: 8. Eztanda

Rosari goizeko 2:00etan mezu arriskutsu bat bidali ondoren, Joshek erakutsi beharko dio jada ahaztu duela. Horretarako, hockey-partida batera joango da Rosa eta Mikerekin, jakin gabe Rosari Mike gustatzen zaiola. Ligatzen hasiko dira, eta Joshek sentituko du soberan dagoela. Aurrerago, Mikek esango dio Rosarekin gelditzen hasi dela, eta Joshi ondo iruditzen omen zaio. Hala ere, etengabe kexatuko da. Lizek gomendatuko dio neska-lagun berri bat bilatzeko, baina ez da ondo aterako, Rosaren urtebetetze-festan mozkortuta emango duen hitzaldiaren moduan.

D2: 9. Aingira

Rosak harreman monogamoa izan nahi du Mikerekin, baina aurre egin beharko dio haren iragan neskazaleari eta elkarrizketa serioetatik alde egiteko abileziari. Mikek beldurra dio galderari: zure neska-laguna naiz? Laster, pertsona zahar eta jakintsu batek harremana baieztatzen irakatsiko dio, baina agian Rosa ez da horretarako prest egongo. Batzuetan, aingira iheskorra pitoi hertsatzaile bihur daiteke. Nahiz eta Rosari aurkakoa gomendatu, Mikek egia entzun beharko du, apaindurarik gabe.

D2: 10. Globoa

Josh Mike animatzen saiatuko da Rosarekin utzi ondoren, baina Mikek dio ondo dagoela, eta Rosak ere ahaztu du harremana. Josh eta Rosa elkarrekin hasiko dira berriro, eta, Rosak interes-seinaleak bidaltzen dizkion arren, Joshek ez du sinesten hasieran, konturatu arte egia izan daitekeela. Rosarekin zita baterako gelditzeko prestatu bitartean, Mikek onartuko du ez duela Rosa ahaztu, eta oraindik ere harengan pentsatzen du. Liz eta gainerakoek Joshi gomendatuko diote ez hasteko Rosarekin, Mikekiko harremana zapuztu daitekeelako, baina hark aurrera egingo du, eta, jakina, bi lagunek haserre bukatuko dute. Ondorioz, lezio bat ikasiko dute.