Linbo

Süne eta Bittor Kas

Mañaneo luzearen ostean, bueltan da "Linbo", Aitziber Gradosek gidatutako late-night saioa. Primerako osagaiekin, gainera: Süne musikariak irakasle izan zenekoa eta behiekin duen obsesioa kontatu dizkigu. Julen Goldarazenak, Flako Fonkik, aldiz, coach gisa egin duen lan zalantzagarriaren bideoak ekarri dizkigu. Bittor Kas sukaldariarekin bere ibilbideko anekdotak errepasatu ditugu. Eta azkenik, Antton Telleriak bere look berria erakutsi du, primizian, "Linbo" saioko ikusleentzat.

Merina Gris, Peio Goikoetxea eta Usoa Ostolaza

Bi gonbidatu: Merina Gris taldeko Julen eta Sara. Haien algoritmoak dioenaz aritu zaizkigu, bestak beste. Maialen Sorzabalberek, aldiz, ETBko biltegian aurkitu dituen altxorrak nahi izan dizkigu erakutsi. Kirolariek ere badute tokia Linbon, zer esanik ez Peio Goikoetxea eta Usoa Ostolaza txirrindularia bezain jatorrak badira. Xabier Usabiagaren esapideak deszifratzen jarri ditugu. Eta azkenik, Janire Atxurra eduki sortzaileak edukia eman digu, eta onetarikoa, triatloira apuntatu dela aitzakia hartuta.

Itziar Ituño eta Arnatz Puertas - Joanes eta Xabat Illarregi

Linbon ere baditugu esklusiba handiak. Itziar Ituño eta Arnatz Puertas izan ditugu, primizian, Primeranen estreinatuko den Argi Gorriak telesailaz aritzeko. Flakoachek makina bat dela erakutsi nahi izan digu. Bertsolariak ere izan ditugu linboan: Illarregi anaiek pertsona bera ez direla frogatu behar izan digute. Eta amaitzeko, Maria Blanco eskiatzeaz aritu zaigu, esperientzia ez bereziki on baten aitzakian. Hori guztia, Aitziber Gradosek aurkeztuta

Kepa Errasti eta Ibil Bedi

Maspalomas zein Karmele filmetan aritu da Kepa Errasti aktorea; eta orain, baita Linbon ere. Banpiroez hitz egin digu. Loli Ardia ere izan dugu gurekin, Dolly ardiaren enegarren klona. Olaia Inziartek bere amets deigarrienen berri eman digu. Eta saioa borobiltzeko Ibil Bedi musika taldeko kideak izan ditugu. Konfesio sakonak egin dizkigute, ez hain sakonak, eta baita kantu eder bat ekarri ere.

Iban Garcia eta Intza Alkain eta Edurne Azkarate

Oraingoan, Elgetan. Iban Garcia eduki sortzailearekin (ez) ligatzeaz, heriotzaz eta diruaz hitz egin dugu. Flakok aldiz, Lodosa Telebistan hasi duen programa berria ekarri digu, primizian. Maialen Sorzabalberek Linba-Linboi maskota diseinatu du, eta Formol konpainiako kide Edurne Azkaratek eta Intza Alkainek ondo kontserbatzeko moduko kontuak ekarri dizkigute, opari eta guzti. Hori guztia, Aitziber Gradosek gidatuta.

Bengo eta Oihana Fernandez de Barrena

Bengo musikari eta dantzaria izan dugu Linbon. Lurraren kalitatea neurtu du eta Aitziber Gradosi irakatsi dio nola egin break, hezurrik apurtu gabe. Nikola Teslak ere bisitatu gaitu, korronto alternoaren asmatzaileak, hain zuzen, bere bizitzaren inguruko zenbait kontu argitzeko. Oihana Fernandez de Barrena aizkolariak bere aizkora berdea ekarri digu, baita mihi zorrotza ere. Eta amaitzeko, Antton Telleria bere ezkutuko talentua erakutsi digu: erpuru dema. 400 euro ekarri ditu irabaziko dion edonori emateko.

Iker Galartza eta Maruxak

Heldu da denboraldiko zazpigarrena. Iker Galartzak zirkua utzi eta bisita egin digu, besteak beste, bere seme-alabek bidali dizkiguten galderak erantzuteko. Laster plazaratuko duten Superra telesailaz ere mintzatu zaigu. Julen Goldarazena 'Flako' terapeuta gisa hasi da jendea 'laguntzen', eta horren lagin txiki bat ekarri digu saiora. Erraldoi konpartsa baten aitzakian batu ziren Maruxak kolektibo trabestia. Eskuminak EPa kaleratu dute berriki eta horretarako egin duten lan erraldoia erakustera etorri zaizkigu. Amaitzeko, Maria Blancok kontatu digu IAT azterketa pasa behar izan duela, lehenengoz, berak bakarrik, eta bide batez, azterketa pasarazi dio Aitziber Gradosi ere.

Toc eta Piztiak

Toc musika taldeko hiru kide izan ditugu Linbon. Talde mungiarrak 10 urte bete ditu eta tokan jokatzen jarri ditugu ospatzeko. Panpinpanpun panpinaren bisita ere izan dugu, eta lortu dugu bere ametsa betetzea. Olaia Inziartek aldiz, 98ko Gaztea sariak berrikusi ditu, ordutik, gauza guztiek okerrera egin dutela konfirmatzeko. Azkenik, Xanti Rodriguezek eta Amancay Gaztañagak Primeranen estreinatuko den Piztiak telesailaren berri eman digute.

Sua Enparantza eta Mirua

Sua Enparantza aktore, abeslari eta dantzaria izan dugu saioan. Irabazi Arte zein Gure Zirkuaz hitz egin dugu, baita Ztanda saioko denboraldi berrian epaimahaikide gisa izango duen lanaz ere. Linternen argipean konfesio misteriotsuak eginez amaitu da Suaren tartea. Flakok bere coaching lanekin jarraitu du eta Arbizura hurbildu da oraingoan, Peio Reparaz laguntzera. Arbizutik ez, urrutiagotik etorri zaigu Laika, txakur kosmikoa. Azkenik Mirua taldeko Maitane eta Mattin izan ditugu, besteak beste, 'Gazte eta Lorios' kontzertu bereziaz hitz egiteko. Saioa borobiltzeko Oskorriren 'Katuen Testamentue' abestia jo dute Flakoren laguntzaz.

Aginowsky, Bittor Kas eta Naxker

Denboraldiko azken atala kurtso amaierako jaialdi bikain batekin amaitu dugu. Eta denok dakigu festa batek zer behar duten ezinbestean: pailazoak.Gurean Antton Telleria eta Maialen Sorzabalbere izan ditugu sudur gorria jantzita, baina ez dira oso pailazo konbentzionalak... Festarako zizka-mizkak Bittor Kasek ekarri ditu, baita bi esklusiba ere: bere proiektu pertsonal berria eta Dastattoo saioa. Saioko aurkezle Aginowsky izan dugu Bittorrekin batera eta Linboko kalkamoniak ekarri ditu! Olaia Inziartek Linbo Sariak banatu ditu ezker-eskuin eta Linbo Fidelitas sariaren irabazleak izan ditugu saioa ixten: Naxker. Ainhoa, Jaione eta Karmele izan ditugu gurekin eta elkarrizketaren ostean 'Elizondo' abestia jo dute denboraldia ixteko.