Las voces del silencio

1. Redes Sociales sin filtro

Sare sozialek eraldatu egin dute pertsonen artean komunikatzeko modua eta eguneroko bizitzan eragiten digute. “Las voces del silencio” podcastaren aurreneko atalera Jon Bustillo gonbidatu dugu, EHU irakaslea. Hezkuntzarako teknologiaren adituarekin aztertu dugu tresna hauek gizartean sortu duten eragina eta nola aldatu arazi duten pertsonen teknologiarekiko harremana.

2. Técnicas persuasivas digitales

Gu gara aplikazio teknologikoak kontrolatzen ditugunak edo beraiek kontrolatzen gaituzte gu? Atal honetan, sare sozialek pertsonon iharduna erabiltzeko duten gaitasunaz aritu gara. Gregorio Montero psikiatra eta haur eta gaztetxoen osasun mentalean aditu denarekin aztertu dugu gaia.

3. Soledad y aislamiento

Teknologikoki konexio estuagoan bizi gara, sentimenduz nor bere ingurunetik urrunago sentitzen garen arren. Urrunekoekin harremanetan denbora gehiago erabiltzen dugu hurbilekoak ezagutzen baino. Aitor Aritzeta, EHUko irakasle eta Psikologian Doktore denarekin aztertu dugu harreman sakonak eraikitzearen garrantziaz.

4. Trastornos alimenticios

Elikadura arazoak dituzten pertsonak gero eta gehiago dira. Badakigu, ordea, nola sortzen den arazoa eta zergatik hartzen duen pertsonak bide hori? Sheila Santamaria gizarte hezitzaileak izan du arazo hori eta lortu du bideratzea eta besteei laguntzea. Gogoeta egiten lagundu digu atal honetan.

5. Ansiedad y depresión

Antsietatea eta depresioa dira gaur egun osasun mentaleko arazo nagusiak, azken urteotan egin dira ikusgarriago. Edurne Pasaban mendizalearekin egin dugu gogoeta “Las voces del silencio” podcastaren atal honetan. Hain zuzen ere, hamalau zortzimilakoak igotzea lortu zuen aurreneko emakumeak, mendi garaienak igotzen ari zen bitartean egin behar izan zion aurre depresioari.

6. Autolesiones y suicidio

Auto-lesionatzea, nork bere burua zauritzea, pertsonak bakardadean bizi duen sufrimendu emozionalari irtenbidea jartzeko modua izaten da sarri. “Las voces del silencio" podcastaren atal honetan Alberto Ruiz de Alegriarekin aztertu dugu gaia. Luzaro lan egin du psikologo gisa eta bere eskarmentua baliatuko dugu irtenbide bila.

7. Entiende tu yo interior

Gure buruan dauden helburuak betetzeak ez du esan nahi horrek zoriontsu izatea ekarriko digunik. Zuhaitz Gurrutxagak futbol jokalaria izan nahi zuen eta Realen Lehen Mailako jokalari izatea lortu zuen. Hortik aurrera amets gaiztoa sortu zitzaion ordea, bizitza eta buruko osasuna aldatuko zion egoera bizi baitzuen. Denborarekin jakin du TOC edo nahasmendu obsesibo-konpultsiboa duela eta honek bera kontrolatu gabe, berak nahasmendua kontrolatzeko egin duen bidea azaldu digu “Las voces del silencio” podcastaren atal honetan.

8. Como comprender a un adolescente

Nerabezaroa ez da garai erraza; aldaketak, erronkak, bizipen berriak baititu bere baitan. Emozioak areagotzen dira eta presio handia sentitzen da gizartean onartua izateko. Aroa Colás gazteak, gainditu berri du helduek nerabea ulertzen ez duten garai hori. Berarekin solasean, etapa zail hori barrutik nola bizi izan duen azaldu digu.

9. Bullying

Eskola jazarpena, ikasle askoren eguneroko ogia da, eta bere buruaz beste egiten duten gazteen arrazoi nagusia. Gainera, teknologia berriek areagotu egin dituzte ziberbullying kasuak. Nerabezaroan bullying-a jasan zuen Irati Galardik eta gaur egun, "Adore" proiektutik mota horretako jazarpena jasaten duten nerabeei laguntzen die. Bera da atal honetako gonbidatua.

10. Sistema educativo y digitalización

Teknologiak gizartea aldatu du eta, jakina, eskola eremua ez dago aldaketa horietatik salbu. Ikasi eta erakusteko modu berriak ezarri behar izan ditu. Hezkuntza digitalak ekarri dituen arazo eta erronkei buruz hitz egin dugu podcast sail honetako azken atalean Pablo Garaizar, Informatikan Doktore eta psikologoarekin.