Ibilian

Automobilismoa: Alazne Apalantza eta Ane Zapirain

Etxetik jaso dute automobilismoarekiko pasioa gure bi gonbidatuek, eta azken urteetan emakumezkoaren presentzia bikoiztzu izana azpimarratu dute. Oro har, kopilotu gisa aritzen dira, baina Zapirainek, pilotu lanak ere burutu izan ditu.

Herri kirolak: Maribi Saralegi eta Karmele Gisasola

Ibilbide ezberdina egin dute herri kirol munduan Maribik eta Karmelek, baina biek ala biek ere, ezagutza eta eskarmentu handia dute arlo horretan. Euren bizipenak, gaur egungo egoera, eta etorkizuna nola ikusten duten azaldu dute.

Pilota: Reyes Azkoitia eta Olatz Arrizabalaga

Garai ezberdinetakoak izaki, pilota munduan ez dute aukera bera izan dute Reyes Azkoitiak eta Olatz Arrizabalagak. Azkoitiak gizonekin eta gizonen aurka jokatu behar izan zuen zuen; Olatz, berriz, neskatilen erreferentea bilakatu da.

Ziklismoa: Ainhoa Artolazabal eta Usoa Ostolaza

Ainhoa Artolazabalek eta bere garaiko emakume txirrindulariek profesionalak izan gabe profesionalen pare entrenatzen zutela azaldu digu. Inbidiaz entzun ditu Usoa Ostolazalak eta tropela osatzen duten beste txirrindulariek egun dituzten baliabideak.

Futbola: Ainhoa Bakero eta Ainhoa Moraza

Ainhoa Bakerok eta Ainhoa Morazak, Añorga klub historikoan eman zizkioten lehen ostikadak baloiari, hori bai, belaunaldi ezberdinetan. Ia ikusezinak izatetik lan hitzarmena lortu arteko urteak aztertu ditugu eurekin.

Eskubaloia: Reyes Karrere eta Esther Arrojeria

Emakumezkoen eskubaloian aurrerapausoak eman diren arren, azken hamarkadetan oso gutxi aurreratu dela azaldu dute Reyes Karrerek eta Esther Arrojeriak. Egungo egoera aztertzearekin batera, aldarrikapen andana ere utzi dute.