Hetero

1. Landareek hazteko behar dutena

Jabik eta Laidak lorategia duen etxea estreinatu berri dute. Euliekin batera iritsi da Iria bizilaguna, eta barruraino sartzen utzi diote. Barkamenaren, desiraren eta jeloskortasunaren zingiran paseatuko dira, beti binaka, baina hirugarren baten presentzia aztoragarriarekin.

2. Ukitzen gaituen ura

90eko hamarkada, Elgoibar. Tenka-tenka egindako gorputzak nerabezarotik gertu. Lau argazki: haragi biguna herri industrial bateko hondo zakarrean. Heteroarauaren aurreko azken errebuelta. Hiru gorputz elkarri helduta aldapan behera. Eta erreka zikinean laguntasuna, zaborra, desira, eta promesa bat bezala zabaltzen den etorkizuna.

3. Irla

Antzeztutako elkarrizketa honetan bi lagunek Kubara, errefuxiatuak bisitatzera egindako bidaia “lilurarik gabe” gogoratzen dute. Bi ahots, elkar osatu eta kontrapuntua eginez. Sakontasuna duen Irla, barrurantz zulatu eta begiratzeko.

4. Gizakiaren adin guztiak

Aita igerilaria zahartzen hasi da, eta lehenengoz uko egin dio ur irekietako igeriketa zeharkaldian parte hartzeari. Familiak lasterketa alternatibo bat antolatu du, eta dena prestatu, aitak irabazten jarrai dezan.

5. Literatura lezioak

Whatsapp elkarrizketa editore gizon eta idazle ama baten artean. Zertaz ari dira literaturaz ari direnean?

6. Uso-pasea

Emakume heldua lehen mamografia egitera doa autoz eta, oharkabean, lehen nobioa izan zuenaren etxe aurretik igaro da. Karretera ertzean, hutsik dagoela dirudien taberna ikusi du. “Salgai” kartela dauka zintzilik. Autoa gelditu du, irrika piztu dio tokian bertan.

7. Sehaska kanta (2025-1975)

Gatazka politikoak erdiz erdi baldintzatu du aita-seme hauen arteko harremana, oroitzapenez oroitzapen. Aita hilda dago 2025ean, eta hortik abiatzen du semeak oroimena, 1975ean Franco diktadorea hiltzen den gauera arte. Afektuak, maskulinitatearen eraikuntza, dolua eta memoria ditu ardatz.

8. Alargunak

Eider eta Jakes egunero gelditzen dira atzoko andreari begira; gaur ere bai, Kandelario egunez. Hark itsasoan igeri egiten du, baita negu-neguan ere. Andre igerilaria, behinola ezagutu zuen gizon baten alarguna dela jakingo du Eiderrek. Badaki ur hotzak haragian min egiten, muin egiten dakien adina.