Herri inauteriak

1. Ikazkina

Goizuetan ikazkinaren pertsonaia nabarmentzen da inauterietan eta haren ingurukoak azaltzen dira ipuin honetan.

2. Joaldunak eta mozorroak

Euskal Herri osoan zehar makina bat aldiz ikusten baditugu ere, Zubieta, Aurtitz eta Iturengoak dira, izatez, joaldunak. Noiz eta zergatik sortu ziren ezagutu dezagun.

3. Udaberria eta zakuzaharra

Naturak ere mozorrotu egin nahi izan zuen Lesakako inauterietan. Horretarako, giza itxura hartu eta lasto mordo batean bildu zen.

4. Damak

Urte hartan Erratzuko soroak lehor zeuden, udaberria bazetorren baina neguak ez zuen egin beharrekoa egin. Ama Lurra esnatzeko herriko gazteak mozorrotu eta lurra esnarazi zuten.

5. Hartza

Agota zen. Bere itxura ez zen haraneko gainerako biztanleena bezalakoa. Baztertuta sentitzen zen, baina urte hartan inauterietako festan bete-betean parte hartzea erabaki zuen.

6. Zipotero eta kapiroteak

Marcela ez zen Tuteran sortua, baina urte hartan, familiarekin hirira bizitzera etorri zen. Hantxe ezagutu zituen inauterietan Zipotero eta Kapiroteak.

7. Momotxorroak

Ezin jakin gizona ala emakumea zen, erdi gizaki erdi animalia zela esan zitekeen. Adar handiak ageri ziren buru gainean zuen saski txiki batetik, eta zarata handia sorrarazten zuen gerriari lotutako zintzarriekin.

8. Mari Trapu

Duela asko, aspaldi, orain mila urte zehazki, hiriko burgoen arteko gerra odoltsua izan zen Iruñean. Joanes Nabarreriako arotza zen eta harrapatu egin zuten, baina bere alabak salbu jartzea lortu zuen.