Gorroto

10. Amaia Izar. Gorrotatu erreformak

Azken atal hau Maiderrek gehien gorroto duen lekutik grabatu da: obretan dagoen bere etxetik. Erreformak gorroto ditu eta horien gainean hitz egiteko eraberritzeak gehien maite dituen pertsona gonbidatu du bere etxera: Amaia Izar. Berak inmobiliaria bat dauka eta home staging teknikan aditua da.

9. Beñat Iturbe. Gorrotatu adimen artifiziala

Beñat Iturbe umoregilea da eta ez dio graziarik egiten adimen artifizialaren kontuak, gehien gorrotatzen duena baita, bereziki lan eremuan. Baina, badu adimen artifizialak lekua gidoigintzan eta komedian? Txisteak sor ditzake? Edo bakarrik gorrotoa?

8. Nerea Arriola. Gorrotatu bizilagunak

Nerea Arriola antzezlea da. Etxebizitzen-bloke batean bizi da eta ondo ezagutzen du auzokideen erkidegoen aniztasuna nolakoa den. Pomeranian txakurra duen bizilaguna, une oro negarrez dagoen haurra, edo pianoa jotzen ikasten dabilena… Baina, zein da Nerearen rola? Bera da bizilagunik okerrena?

7. Iñigo Aranburu. Gorrotatu moda

Iñigo Aranburu moda estilista eta barazki saltzailea da. Moda gorrotatzen eta, era berean, maitatzen du, eta guztiok bezala bekatuak egin izan ditu: nork ez du noizbait marka agerian duen arropa erosi gainontzekoek marka ikus dezaten? Nork ez ditu joerak jarraitu nahiz eta itsusiak izan? Janzterakoan identitate propioaren defendatzailea da, baina, lentejuelak ez zaizkio batere gustatzen.

6. Joseba Agirre. Gorrotatu postureo musikala

Joseba Agirre Azken Sustraiak taldeko abeslaria da. Euskal rock erradikalaren herentzia musikala litzateke berea, baina aspaldi utzi zion gaiztoarena egiteari. Itxurakeria nagusi da musikaren munduan, baina ez bakarrik musikarien artean; entzuleen artean okerragoa da. Pentsatu: zenbat kontzertutan egon zara azken urteetan? Zenbat bideo grabatu dituzu?

5. Eider Garcia Durana. Gorrotatu pertsona osasuntsuak

Eider García Durana harri-jasotzailea da, baina herri-kiroletan murgildu aurretik beste hainbat kiroletan aritu izan da. Esperientzia horietatik asko ikasi duen arren, bidean gorrotagarriak suerta daitezkeen pertsonak topatu ditu: predikatzaileak, gymbroak, paternalistak… Nola ez gorrotatu horrelako jendea?

4. Bittor Barandiaran. Gorrotatu foodiak

Bittor Barandiaran sukaldaria da, eta, era berean, sareetara errezeten bideoak igotzen ditu. Bere bideoetan ez dituzu matcha tea edo smash hanburgesa gorrotagarriak topatuko. Zergatik jarri dira modan? Zergatik jatea esperientzia bat bilakatu da?

3. Jone Zalduegi. Lagunen bikotekideak gorroto

Jone Zalduegi, Emoki elkarteko hezitzailea da, eta, edonork bezala, bere lagunen bikotekideak gorroto izan ditu. Baina nork ez du gorroto bikotekide toxikoa, perretxiko bat baino gutxiago hitz egiten duena edo uneoro protagonista izan nahi duena? Zer egin kasu horietan?

2. Kiliki. Haterrak gorroto

Kiliki hater naturala da; sareetako animalia eta bere zainetan darama gorrotatzeko grina du. Hater batek, baina, haterrak gorrota ditzake? Existitzen dira gorrotagarriak ez diren pertsonak?

1. Irati Erauskin. Gorrotatu ezkontzak

Irati Erauskin psikologoa eta eduki sortzailea da, eta gazte askori gertatzen zaien moduan, ezkontzetaz nazkatuta dago. Zergatik ezkontzen da jendea? Zergatik bilakatu dira zirku batean? Hainbeste ligatzen da ezkontzetan? Eta despedidak Logroñon, zertarako?