Estamos rodando

'Karmele' & 'El guardián invisible' Hondarribitik Elizondora

'Karmele' & 'El guardián invisible' Hondarribitik Elizondora Bere zinema-bidaia berrian, Jon Plazaola Hondarribira joango da, Karmele filmaren eszenatokietako batera. Filmak Karmele Urrestiren benetako istorioa kontatzen du: Gerra Zibilaren hasieran familia nazionalistarekin erbesteratutako emakumearena. Euskal diasporari buruzko garaiko filma da, Kirmen Uriberen liburu batean oinarritua, eta harekin solasean arituko da Jon. Gipuzkoako hiribilduko Paradora, Guadalupeko gotorlekua eta Arrantzaleen Kofradia ere izango dira eszenatoki; bertan, gure protagonistak Nerea Torrijos jantzi-diseinatzailearekin eta Javier Barandiarán aktorearekin elkartuko da. Plazaolak bisitatuko duen hurrengo paisaia zinematografikoa Elizondo izango da, “Baztango trilogia”ren filmaketa-lekua; zehazki, Amaia Salazar inspektorea protagonista duen Zaindari ikusezina, sagako lehen filma. Marta Etura aktoreak, haren interpreteak, grabazio-egunei buruzko xehetasunak kontatuko dizkio Joni, Itziar Izpururekin eta Fernando González Molina zuzendariarekin batera. Jon, herri mugakide honen gozogintza-ospea ezagututa, ez da geldituko txantxigorri on bat eta Malkorrako urrakin egina dastatu gabe. Jon Plazaolarekin zine-bidaiak.

'8 Apellidos vascos' & 'Soy nevenka' Zumaiatik Bilbora

Estamos rodando saioan, Jon Plazaolak Ocho apellidos vascos filmaren agertokiak bisitatzen ditu. Zumaian, Lander Otaola eta Alfonso Sánchez aktoreekin batera, San Telmon eta alde zaharrean grabatutako eszenak berreraikitzen ditu, Bedua jatetxea barne. Ondoren, Bilbon jarraitzen du Soy Nevenka filmaren grabazio-lekuak ezagutuz, Icíar Bollaín zuzendariarekin eta Urko Olazabal aktorearekin solasean, ibilbidea zinema-klub historiko batean amaitzeko.

'Ane' & 'Nora' Gasteiztik Urdaibaira

Jon Plazaolak Gasteizen hasten du bere zinema-ibilbide berria, David Pérez Sañudoren Ane filmaren arrastoari jarraituz. Hiriko leku esanguratsuak bisitatu, Fernando Albizu eta Lorea Ibarrarekin solasean aritu, eta filmeko zuzendariarekin amaitzen du etapa. Ondoren, Urdaibaira abiatzen da, Nora filmaren eszenatokira, non Lara Izagirrek sortutako istorioaren inguruko hainbat pertsona eta paisaia ezagutuko dituen.

'Hondar ahoak' eta 'Soinujolearen semea', Ondarroatik Lesakara

HONDAR AHOAK & SOINUJOLEAREN SEMEA Ondarroatik Lesakara Gure zinema-bidaien atal berri honetan, Jon Plazaola Ondarroara doa eta “Hondar Ahoak” telesail arrakastatsuaren paisaia eta pertsonen arrastoak jarraituko ditu. Telesail hau, euskaraz grabatutako thriller poliziako bat da eta jarraipena “Zeru Ahoak” lanean izan zuen. Bizkaiko arrantzale-herri horretan, Jonek filmeko partaideekin egingo du topo grabaketako istorioak ezagutzeko; goitik ikusiko du herriko zubi birakaria nolakoa den eta kukaina menperatzeko auzotarren aholku batzuk jasoko ditu. Eta, jakina, tokiko platerik ospetsuena dastatuko du: Ondarroako legatza. Lesaka eta bere ingurua izango dira Jonen hurrengo helmuga. Bidaiaren arrazoia Fernando Bernuések zuzenduko eta Bernardo Atxagaren izen bereko obran oinarrituko “Soinujolearen semea” filma ezagutzea da. Nafarroako paraje hauek protagonista dituzten ustekabeko elkartzeei buruzko istorioa da. Jon zuzendariarekin, Gorkarekin —akordeoia gutxik bezain ongi menderatzen duen musikaria—, Joseba Apaolaza eta Xabier Perurena aktoreekin, eta Raúlekin —makilaren erabilera erakutsiko dion makilaria— elkartuko da. ESTAMOS RODANDO Jon Plazaolarekin zine bidaiak

'Maspalomas' eta 'El Doble Más Quince', Donostiatik Getxora

MASPALOMAS & EL DOBLE MÁS QUINCE Donostiatik Getxora Filma “Maspalomas” izan arren, Jon Plazaolaren zinema-bidaia berriak ez gaitu eramango Kanaria Handiko hegoaldeko hondartzara, Donostiara baino. Gipuzkoako hiria harro egon daiteke dituen hiru hondartzetaz, baita armairutik irten ondoren adineko gizon baten joan-etorriko bidaia kontatzen duen zinta baten agertoki pribilegiatua izateaz ere. Jonek, leku eta lagunekin apainduko du bere txangoa: Zelai Txikiko jabeak, Jose Luis Rebordinos Zinemaldiko zuzendaria, pelikulako soinu bandaren musikagilea den Arantzazu Calleja eta Zorion Egileor protagonista. Gure bidaiariaren hurrengo helmuga Getxo eta Punta Begoña dira. Toki horiek zerikusi handia dute emakume heldu batek eta nerabe batek txat baten bidez duten harremanari buruz hitz egiten duen Mikel Ruedaren 'El doble más quince' pelikularen filmazioarekin. Jonek zuzendariarekin eta Germán Alcarazu aktorearekin topo egiteaz gain, Beñat Ormaetxea sukaldariarekin Arriluceko Palacio Hotel dotorea bisitatuko du, eta Neguriko enpresa-munduko 'pertsonaia historiko' bat ezagutuko du: Horacio Echevarrieta ekintzailearen 'semea'. ESTAMOS RODANDO Jon Plazaolarekin zine bidaiak

'Sukalde Kontuak' eta 'Nina', Donostiatik Mundakara

SUKALDE KONTUAK & NINA Donostiatik Mundakara Zinema-bidaia berri honetan, Jon Plazaolak Donostiako gastronomia sekretu ustekabekoenetako bat ezaguztarazten saiatuko da. Horretarako, Aizpea Goenagak zuzendu eta bere iloba Barbara Goenaga aktorea protagonista den 'Sukalde Kontuak' filmari erreparatu dio. Biak, Jonekin osteratxoa egin eta Donostiako Alde Zaharrean zehar egingo duten ibilbidean enigma argitzen saiatuko dira. Gainera, gure aktore bidaiariak mantala jantziko du euskal sukaldaritzako plater tradizionaletako batzuk prestatzen ikasteko, Sukaldaritza Eskoletan eta Elkarte Gastronomikoetan inoiz falta ez diren horietakoak. Jonen hurrengo helmugak ere itsasoa du dekoratu gisa. Mundaka, Bizkaiko herria, pasio eta mendekuen istorioak biltzen dituen NINA neo-westernaren eremua da. Jonek filmaketaren anekdotarioa ezagutuko du Andrea Jaurrieta zuzendaria eta Iñigo Aranburu aktorearekin. Eta nola ez, Mundakan, filmaketa zinematografikoen olatu aparretan dagoen herrian, ezinbestekoa izango du surf klase magistral bat jasotzea. ESTAMOS RODANDO Jon Plazaolarekin zine bidaiak

'Pagafantas' eta 'Érase una vez en Euskadi', Bilbotik Arrasatera

PAGAFANTAS & ERASE UNA VEZ EN EUSKADI Bilbotik Arrasatera Jon Plazaolak Euskal Herrian filmak eta telesailak filmatu diren lekuetara bidaiatzen jarraitzen du. Atal honetako lehen geldialdian oso ondo lagunduta egongo da. Gorka Otxoa euskal aktoreak, Jon, PAGAFANTAS komediaren Bilboko espazioetan barrena eramango du. Borja Cobeaga zuzendariak eta Jon Ariño aktoreak Itsas Museoan, Erriberako merkatuan eta Loiuko aireportuan egindako filmaketaren bitxikeriak kontatuko dituzte. Gure gidariaren hurrengo geldialdia Arrasaten izango da. Gipuzkoako herri honetan grabatu zen ERASE UNA VEZ EN EUSKADI filmaren zati bat eta bere zuzendari Manu Gómezek, lekua oso ondo ezagutzen du haurtzarotik; beraz, lagun talde baten 80ko hamarkadako oporrak birsortzen dituen filmak autobiografia apur bat du. Yon Gonzalez gidoilariak, Uxarte jatetxeko jabeek eta Marino Lejarreta txirrindularitzaren mitoak adiskidetasunaren botereaz, migratzaileek lur honetan izan duten garrantziaz eta kirol 'cameo' batez hitz egingo dute. ESTAMOS RODANDO Jon Plazaolarekin zine bidaiak

'Ander' eta 'Los Domingos', Zeanuritik Bilbora

Zeanurin eta Arratia haranean, Jon Plazaolak Ander filma grabatu zen paisaiak ezagutuko ditu, istripu baten ondoren errutina aldatzen den baserritar baten bizitza. Bertan, filmaren protagonista nagusia, ekoizpen-zuzendaria eta baserritar batzurekin elkartuko da eta baserriko lanak ikasiko ditu. Ondoren, Bilbora itzuliko da, Alauda Ruiz de Azúaren Los domingos film saritua grabatu zen tenplu eta txokoak bisitatzeko, espiritualtasunari eta bokazioei buruzko istorioa.

'Detective Touré' eta 'Gaua', Bilbotik Ezkiora

Jon Plazaolak Bilbon hasten du bidaia, Detective Touré telesail arrakastatsua grabatu zen txokoak ezagutuz, Jon Arretxeren eleberrietan oinarritua eta Malcolm Treviñok antzeztua. Biak Jonekin ibiliko dira Bilboko kaleetan. Ondoren, Gipuzkoako barrualdera abiatuko da Ezkio bisitatzeko, Paul Urkijoren Gaua film fantastikoa grabatu zen tokira, euskal kondairak ardatz dituen lana. Ibilbidea amaitzeko, queimada prestatzen ikasiko du.

'Balenciaga' eta 'La ciudad blanca', Getariatik Gasteizera

Jon Plazaolak Getaria bisitatzen du 'Cristóbal Balenciaga' telesailaren eszenatokiak ezagutzeko, jatorri apala gainditu zuen moda-jenioaren bizitza kontatzen duen lana. Balenciaga Museoa, grabaketako oroitzapenak eta haurtzaroan bizi izan zen etxea izango dira protagonistak. Ondoren, Gasteizera abiatzen da, Eva García Saenz de Urturiren lanetik sortutako filmeko Kraken inspektorearen ikerketak gertatzen diren lekuak ezagutzeko: bi katedralak, Erdi Aroko Almendra, Kordoiaren Etxea eta Farolen Museoa.