Erga Tibo Pum!

1. "Erga Tibo Pum!"

Euskaltzaindiak Euskara Batuaren azken araua onartuko du eguerdian. Euskaltzainburuaren idazkaria, Miren Gotzone, osoko bilkurarako azken gauzak prestatzen ari dela, bere iloba kuttun Aingeru Mirenaren deia jaso du; kontu garrantzitsuren bat esan behar omen dio, eta Lezotik Bilbora etorri zaio. Bilkura hasi baino ordu erdi lehenago jarri dute hitzordua Euskaltzaindiaren egoitzaren ondoko kafetegian. Ilobaren mutil-lagunak, berriz ere, ez du EGA azterketa gainditzea lortu; Aingeru Mirena prest dago injustizia horrekin kosta ahala kosta amaitzeko, eta Miren Gotzone izeba behartu du Euskara Batua errazteko arau xelebreak eramatera Euskaltzaindiaren Osoko Bilkurara.

0. Teaserra: Erga Tibo Pum!

Erne! Euskaren Egunarekin bat etorriz sortu dugu "Erga Tibo Pum!", Xabi Payak izen berarekin idatzitako lanean oinarritutako podcasta. Berezko lana, Lezoko 1. Antzerki Testu Laburren Lehiaketan irabazlea izan da 2023an.