Eneagrama

1. Eneko Sagardoy: Erronka eta beldurra

Eneko Sagardoyk aktore izateko nahia nondik datorkion kontatu digu “Eneagrama” podcastaren lehen atalean. Pertsona ezaguna izateak ekar ditzazkeen alde positibo eta ez hain positiboei buruz aritu da baita ere. Arrakastaren, porrotaren, beldurren eta desioen inguruan solastu dira Katixa eta Eneko, Jokin Ameztoik, eneagraman aditua denak, elkarrizketa adi entzuten duen bitartean. 3. eneatipoaren barruan sartu du Jokinek Sagardoy… Identifikatuta sentituko al da Eneko horrekin?

2. Eider Rodriguez: Heriotza eta kontrafobia

Eider Rodriguezek idaztea gustuko du; ez hainbeste, aldiz, bere lanak promozionatu behar izatea. Egunerokoak eta animaliak ere gustuko ditu eta horien bitartez bizitzaren erritmo eta abiadurari buruz hausnarketa egin digu. Heriotzak pisu handia izan du bere bizitzako garai batzuetan eta Jokin Ameztoiren ustez, beldur horrek 6. eneatipoaren barruan kokatzen du. Zer pentsatuko du Eiderrek honen inguruan?

3. Julen Telleria: Espektatiba eta familia

Julen pertsonalki bezain profesionalki irekitzen da. Bere anaia Antton Telleriarekin duen harremanaren eboluzioari buruz eta aitaren pausoak errepikatzearen inguruko gogoeta egin du aurkezleak. Julenek bere burua aztertzen du eneagramaren laguntzaz, Jokinek lehen eneatipoa esleitu dio, ados egongo al da Julen?

4. Maite Larburu: Amodioa eta intuizioa

Maite Larburuk biolinarekin eta musikarekin duen amodio-gorroto harremana nolakoa den argitu du. Haurtzarora bidaia egin du Katixaren laguntzaz. Herberehetan bizi zeneko garaiak gogoratzeaz gain, Euskal Herriarekin alderatu du herrialde hura. Jokin Ameztoi adituak lehen eneatipoaren jokabideak identifikatu ditu Maiterengan. Zer irudituko zaio musikariari?

5. Aketza Lopez: Glamourra eta itzulera

Aketza Lopezek urteetako esperientzia partekatu du, euskal ikus-entzunezkoetatik Hollywoodera igarotakoa da eta bertan ikusitako eta bizitako argi-itzalak kontatu ditu atalean. Amerikatik Europara eta beranduago Euskal Herrira bueltatzearen zergatia adierazi du Eneagrama podcastean. Gizarte homofoboen eta inklusibitatearen inguruan ere mintzatu da. Jokinek lehen eneatipoaren jokabideen barruan ikusten du Aketza. Zer iritzi izango du aktoreak?

6. Lide Hernando: Arrakasta eta berrasmatzea

Lide Hernandok bere erreferente musikalak eta gospelaren munduan murgiltzearen zergatia azaldu dizkigu Eneagraman. Gainera, literaturaren mundura salto egitean bizitakoa ere kontatu digu. Arrakastaren inguruko erreflexioa egin dute Katixak eta abeslariak. Jokinek, berriz, lehenengo eneatipoaren barruan sartu du Lide. Zer iritzi izango du artistak?

7. Aner Peritz: Eraberritzea eta disidentzia

Aner Peritzek bere bizitzaren ibilbidea errepasatu du Eneagramaren atal honetan. Xabier Euzkitzeren semea izatearen, bertsolaritzaren munduaren eta genero disidentziaren ikuspegitik egin du. Jokinek 3. eneatipoan sartu du, bat egingo du Anerrek bere buruaz duen irudiarekin?

8. Miren Agur Meabe: Iragana eta Galera

Miren Agur Meabek haur ipuinak idaztearen esperientzia partekatu du Eneagramaren atal honetan, galeraren triptikoa errepasatu, eta iragan eta memoriari begirada bat botatzen dion bitartean. Jokinek, berriz, ez du Miren Agur eneatipo bakar baten barruan ikusten, baina izan ditu idazleari esateko moduko hainbat apunte.

9. Galder Perez: Maskarak eta bakardadea

Galder Perezek bakardadea eta eguneroko bizitzan jazten ditugun maskarei buruzko erreflexioa egin du, antzerki munduaren inguruko esperimentazioak azaldu ditu eta antzerki sortzaile eta irrati esatariaren atzean dagoen pertsona ezagutzera eman digu Eneagraman. Jokin Ameztoi adituak zaila izan du, baina 2. eneatipoaren barruan kokatu ditu Galderren jokabideak. Erratu al da oraingoan?

10. Ainara Azpiazu “Axpi”: Natura eta edertasuna

Axpik eta Katixak edertasunaren inguruko solasaldia izan dute Eneagramaren lehen denboraldia amaitzeko atalean. Ilustrazioaren eta literaturaren munduak jorratzen dituzten bitartean, artistaren ibilbide profesional eta pertsonala errepasatu dute, bide batez. Jokinek 6. eneatipoaren jokaerak identifikatu ditu Axpirengan, ados egongo da artista?