EITB Kultura

Yerma, Beire, Ibai Sarasua eta Katiuskak

Lara Izagirrek ¿Yerma¿ antzezlana pantaila handira eramango du. La Dramática Errante konpainiako Ane Pikaza eta María Goiricelayak jo zuten beregana eta ordutik elkarrekin egin dute bidea. EHUn elkartu gara beraiekin. Beire talde jaioberriak ¿Txikia¿ eta ¿Beira¿ abestiak jo ditu Arrasateko Kulturolan. Bulkada batek eraginda itzuli du euskarara ¿Napalm Al Cor¿ eleberria Ibai Sarasuak. Orion elkartu gara bere kultur proposamenak jasotzeko. Zarautzeko Vista Alegre azoan batu gara Leire, Maider eta Garazirekin. Beste talde batzuetan jotzetik datoz, eta duela urte bete pasatxo sortu zuten Katiuskak. Orain, hiru kantu argitaratu dituzte.

Basa Basa, Simulacro, Sahatsa Jauregi eta Ane Arzelus

Donibane Lohizuneko ezleku honetan hartu gaitu Lumi taldearen musikak. Nahia Zubeldiak aurkeztu digu ¿BASA BASA¿, Benoît Bonnefrite artista okzitaniarraren erakusketa. Moï moï kolektiboak antolatzen duen Udada jaialdiaren parte da. Nitya Lopez Saitua zinamgileak bere lehen luzemetraia estreinatuko du Donostia Zinemaldian. Fikzioa eta dokumentalaren arteko mugan jolasten duen filmak bere gurasoen banaketa du oinarri. Zabalburu Plazaren atzeko aldean elkartu gara Sahatsa Jauregirekin: Bilbo asko kontzentratzen diren tokian. Materialen eta bitartekoen konbinazio bat proposatu digu. Ideia bat edo mezu zehatz bat nola marraztu. Akaso horrek definituko luke Ane Arzelus irudigilearen sorkuntza prozesua. Bere etxean egiten du lan, eta bertan erakutsi dizkigu azken aldian sortu dituen irudiak.

Ertibil, Rosalind Nashashibi, Begoña del Teso eta Aitziber Barriga

Ertibil erakusketa ibiltaria bisitatu dugu Bilboko Rekalde Aretoan. Bizkaian bizi diren 18 artisten lanak biltzen ditu. Horien artean daude Markel González, Estela Miguel, Argiñe Ceballos eta Martzel Do Nascimento. Beraien obrak azaldu dizkigute. ¿Get me a stone¿ erakusketak Rosalind Nashashibi artistaren margolan batzuk eta pelikula bat biltzen ditu. Gaur egun, Gazak duen egoerarekiko artistaren inplikazio afektiboa eta politikoa islatzen dute. Artium museoan bisitatu daiteke. Drakula noiz agertuko zain, Igeldoko hilerrian egin dugu zita Begoña del Teso zinema kritikariarekin. Bitartean, bere gustuko pelikula, musika eta liburuei buruz aritu gara solasean. Argazkilaritza fotokimikoa egiten du azken urteetan Aitziber Barrigak He`kate¯ espazioan. Baffest-en aurkeztuko den ¿Lainoak Itzalartean¿ erakusketa osatzen ari da orain. Basoa da material ezberdinetan jaso duena.

Sidari, Inurri Itsuak, Ane Mei Aspiazu eta Gerezi Jauregi

Bi bikote, bata gaztea bestea zaharra, interrail bidaia bat eta maitasun eternoa promesten duen Sidari irla. Hori da Kepa Errasti, Getari Etxegarai, Iholdi beristain eta Hodei Arrastoa aktoreek taularatuko duten antzezlanaren abiapuntua. Igor Legarreta zuzendariak ¿Inurri Itsuak¿ pelikulako sekuentzia bat erakutsi digu. Gernikako Kult Parnasoan elkartu gara, Mikosis taldeko gitarrajolearekin. Musikaren bueltako erreferentzietan zentratu da Ane Mei Aspiazu bere gomendio kulturaletan. Alkizako Ur Mara museoan aritzen da lanean Gerezi Jauregi. Tapiz bat egiten harrapatu dugu bertan eta museoan ikusgai jarri duen bere lanaren zati bat erakutsi digu.

Arriagaren Aterkia, Soinu ak zeinu ak soinu, Itsaso Larramendi eta Irati Peluaga

200 urte dira Juan Crisóstomo Arriaga hil zela eta horren omenez, bilboko koraletik hainbat sortzaile bildu dituzte, antzerki obra musikatu bat osatzeko. Belaunaldien arteko transmisioaren, irudimenaren eta jarraikortasunaren sinbolo bihurtu dute `Arriagaren Aterkia¿ obra. Ormaiztegiko Zumalakarregi museoan izan gara Maialen Lujanbioren `Soinu ak zeinu ak soinu¿ proposamena ezagutzeko. `Artxibo praktikak¿ XIX. mendearen irakurketa berriak proposatzen dituen proiektuaren parte da. Bilboko San Inazio auzoan egin dugu hitzordua Itsaso Larramendirekin. Bera arkitektoa da eta Tipi kooperatiban egiten du lan. Bere gustuko liburu, musika eta pelikulez hitz egin digu. Bere etxeko ateak zabaldu dizkigu Irati Peluaga ilustratzaileak azkenaldian egin dituen lan batzuk erakusteko. Ume literatura, prentsa, iragarkiak; eskuz edo digitalean; abaniko zabala du artista donostiarrak.

Zas, Lumi, Maia Iribarne eta Xanti Garcia

Gasteiztar sortzaile eta bizilagunentzat, arte garaikidera aukera leiho bat da ZAS espazioa. Hamar urte egin dituzte ostegunero ateak zabalduz, hamaika proiektu pilatu dituzte bertan. San Anton plazara hurbildu gara azken lanen berri jasotzera. `Basa basa¿ erakusketarekin jolasean sorturiko abesti bat jo du Lumik, Donibane Lohizuneko auditorium zaharrean. Habia eta Bloñ taldeetako kidea da Maia Iribarne. Momentu honetan, Altxalili kolektiboaren dokuemntala ari da sortzen. Bere jaioterrian, Lasan, egin dugu hitzordua gustuko dituen kultur proposamenak ezagutzeko. Tailerreko ateak zabaldu dizkigu Xanti Garcia pintoreak bere lanari buruz hitz egiteko. Arteuparte Galerian duen erakusketan ere egon gara.