Egia gordinetik

1. Aktore izan nahi dut

Marik harreman gorabeheratsua du aitarekin. Ez da batere gustura bizi euren baserrian. Bere antzerki-tailerreko laguna den Oihaneren etxe konpartituan bizi nahi luke, Donostian.

2. ...eta drogazalea naiz!

TAEko klasean laster estreinatzekoa den antzerki obrari azken ukituak ematen ari dira. Giro polita dute ikasleen artean.

3. Kakazaharra!

TAEko kurtso amaierako antzerki obra estreinatu dute. Sekulako arrakasta izan da.

4. Fitxajea

Joxeluis Altolagirre antzerki-enpresari entzutetsuak protagonista papera eskaini dio Mariri, laster taularatzeko asmoa duen ikuskizunean.

5. Protagonista

Ama pozez gainezka dago alabaren lanarekin. Joxeluis aspaldidanik miresten duen idoloa da berarentzat. Aitari, ordea, ez dio grazia handirik egiten alabari egin dion eskaintzak.

6. Gela polita

Antzerki konpainia berriko aktore ezagunekin lan egitea erronka handia da Marirentzat. Oihaneren pisuan gela bat libratu daiteke.

7. ...Kaixo, Mari

Aktore taldean ez dira denak ezpal berekoak, jakina. Mari, Oihaneren pisuan hasi da bizitzen. Pello ezagutu du, hirugarren pisukidea.

8. Moldatuko gara

Joxeluisek obraren zuzendaritza utzi behar izan du Madrilgo Teatro Nacionalen lanpostu garrantzitsua eskaini diotelako. Itziar izango da zuzendari berria.

9. Zeeeeer?

Itziarrekin lan egitea ez da inondik inora Joxeluisekin lan egitea bezalakoa. Lankideen babesa ere ez da berdina. Etxean, gauzak gaiztotu egin dira Pellorekin.

10. Deitu anbulantziari!

Tentsioak eta estresak eragin lazgarria izan dute Marirengan. “Gaztelu osoa erori da”, goitik behera. Neurriak hartu behar izan ditu!

11. Estreinua

Donostiako Victoria Eugenia antzokian egin dute antzerki obraren estreinaldia. Arrakasta itzela izan da! Ospatzera irten dira, baina Oihanak eta Marik badute beste zeregin arriskutsu bat.

12. God Save the Queen

Mari Sagarzazu: Aingeru ezpataduna? Ezti mikatza? Esne beltza? Urteak pasako dira beste halako bat deskubritzeko! Bitartean… “God Save the Queen!”.