Dollface

1. Mutilen aldeko neska

Jules emakume gazteak, bere mutil-lagunak bost urteko harremana moztu ondoren, bere irudimenari aurre egin behar dio literalki eta metaforikoki berriro emakumeen munduan sartzeko eta atzean utzi zituen emakumezko lagunen adiskidetasuna berreskuratzeko. Jules berriro jarriko da harremanetan behinola lagun min izan zuen Madison izeneko publizista seguru eta ausartarekin eta Stella espiritu aske eferbeszente eta itzelarekin.

2. Pisukidea

Julesek bizileku berria topatu beharko du. Jeremyk bere etxean geratzen utzi dio beste etxeren bat topatu arte. Hamaiketako batean, Stellak eta Madisonek liskarra izango dute Julesi komeni zaion etorkizunaz hizketan ari direla: lanean soldata igotzeko eskatu beharko du edo denbora sabatikoa hartu bidaiatzeko eta bere burua aurkitzeko? Jules bi lagunen arteko bitartekari bihurtuko da tentsioak gora egiten duen bitartean.

3. Neska gaztainkara misteriotsua

Madisonek Jules laneko ekitaldi batera gonbidatuko du. Julesek kazetari bati Madisonek kontatu berri dion sekretu bat esango dio. Stellak Izzy festa esklusibo batera gonbidatuko du. Bertan, interesgarria izateko misteriotsua izan behar duela esango dio. Egindako hankasartzea konpontzeko, Julesek Madison Stella eta Izzy dauden festara eramango du, baina bertan Madisonen sekretu bat agerian geratuko da.

4. Lagun dibertigarria

Stellak Julesi laguntza eskatuko dio bere ama parrandazalea bisitan datorrela eta. Jules, “lagun aspergarriaren” etiketa gainetik kentzeko eta ondo pasatzen dakiela erakusteko, Stellarekin parrandan irtengo da. Bi neskek nazioarteko uretan amaituko dute. Madisonek Izzy bere proiektu bihurtuko du eta harreman publikoetako kanpaina bat sortuko du Beste Alison B izena behin betiko baztertu dezan.

5. Edertasunaren erregina

Julesek aditzera emango du banantzea erabat gaindituta daukala Jeremyren arrebaren ezkondu aurreko agur-festan. Madisonek bere lagunen heldutasun maila esajeratuko du zaharragoa den bere mutil-laguna txunditzeko eta afari formal bat prestatuko du. Plana ez da ondo irtengo eta Madison eta Jules egoera baretzen saiatuko dira. Azkenean, bi neskak ohartuko dira zer gertatzen den zure bizitza gehiegi aldatzen saiatzen zarenean.

6. Historia zalea

Lurrikara batek Los Angeles jo du, eta neskak lurrikara handiago bat gertatuko ote den beldur dira. Julesentzat, arazoa beste bat da: Jeremyrekin topo egitea beste neska batekin dagoela. Jules Historia Naturaleko museora joango da ongintzarako saski bat eramatera eta bertan Jeremy ikusiko du emakume erakargarri batekin. Bitartean, Madisonek onartuko du urteak daramatzala Stella egoera zailetatik libratzen. Kasu bat ustezko hiltzaile batengandik libratzea izan zen. Stellak mutil hura Santa-Conera gonbidatuko du eta Madisonek bere begi ona eta detektibe trebeziak erabiliko ditu Stella oker dagoela erakusteko.

7. Txorta-laguna

Gizon bat ahazteko modurik onena beste bat aurkitzea da. Lagunen presioarekin, Jules akats bat duen mutil erakargarri baten bila hasiko da. Aukeratu duena Lego zale amorratua da, hortaz, ez da harreman baterako egokia, baina bai zerbait informala izateko. Bitartean, Madisonek ez daki zehazki zein toki duen Colinen bizitzan, eta Stellak bere harreman informala eten nahi du Izzyren laguntzarekin.

8. Hartz emea

Julesek, gogoz kontra, Woömen enpresa-erretirora joatea erabakiko du. Erretiroa Celesteren hondartzako etxean da eta lider espiritual profesional batek zuzenduko du. Aura irakurketei eta lokatz-bainuei ihesean, Julesek elkarrizketa sakona izango du Celesterekin eta ezustean jakingo du Colinekin, Madisonen Colinekin, ezkonduta dagoela eta ez dutela banantzeko asmorik. Julesek Madisoni kontatzeko ausardia batu behar du, baina berri hori emateak euren arteko harremana hondatu dezake. Bitartean, Stellak bere aukera segurua zen unibertsitatearen ezezkoa jasoko du, eta tristuraz eta bere buruarekiko errukiz beteriko zulo batean eroriko da.

9. Feminista

Madisonekin liskarra izan ondoren, Julesek feminista izatea zer den aztertu behar du. Istorio klasiko bati omenaldia eginez, Julesek Stellarekin, Izzyrekin eta oraindik hotz dagoen Madisonekin topo egingo du Sylvia Goldwyn feminista ikonoaren hitzaldia entzutera doala. Neska bakoitzak bere arazoa dauka eta espero dute Sylvia Goldwynek haiek konpontzen laguntzea feminista gisa duen jakituria erabiliz.

10. Ohorezko dama

Jules Mexikora joan da Ramonaren ezkontzara, baina egoera okertu egingo da Jeremyk aitortzen dionean oraindik berarekiko zerbait sentitzen duela eta harremana berreskuratu nahi duela. Madison, Stella eta Izzy ezkontzan agertuko dira, baina Jules Jeremyri krema ematen harrapatuko dute eta alde egingo dute. Etxerako bidean Stellaren lagun zahar batekin topo egingo dute gau betean eta bizipen harrigarri baten ondoren, Julesen bila itzuliko dira. Ezkontzan, Celeste eta Colin agertuko dira eta Julesek ohorezko dama gisa, denak zur eta lur utziko dituen hitzaldia egingo du.