Cristóbal Balenciaga

1. Estilo kontua

1937an, Espainian arrakasta izan ondoren, Cristóbal Balenciagak goi-joskintzako bere lehen bilduma aurkeztuko du Parisen. Dena dela, hasiera uste baino zailagoa da: kritikak epelak dira eta enkargu gutxi daude. Cristóbal beldur da, Nicolás eta Virgilia Bizkarrondo bazkideek beren diru guztia inbertitu baitute enpresan. Zalantzak ditu, diseinatzaile izateko talenturik ba ote duen eta Parisko goi-mailako joskintzako etxeen mailan ote dagoen. Bere estilo berezia zehaztu beharra dauka.

2. Okupazioa

1940an, Parisen, alemanen okupazioak eragin duen giro gaiztoa ezagutuko dute Cristóbalek eta bere bazkideek. Arazo hori eta oihalen eskasia dela-eta, goi-mailako joskintzako etxe askok itxi egin beharko dute. Maison Balenciagak Espainiako oihalak Parisera eramatea erabakiko du eta horrek ika-mika sortuko du.

3. Balenciagaren lehiakidea

Gerraren ostean, Cristóbal Balenciaga da Parisko goi-mailako joskintzaren erregeetako bat. Baina bere posizioa kolokan jarriko dute Christian Diorrek eta haren look berriek. Jendaurrean agertzeari muzin egin arren, Balenciagak Le Dix aurkeztuko du, Maison Balenciagaren lehen perfumea.

4. Erreplikak

Cristóbalek bere bizitzan izan berri dituen galerak gorabehera, bere estiloa fina da eta gorenera helduko da. Dena dela, bere diseinuen kopia kaskarrak direla eta, eztabaida sutsua izango du Nicolás Bizkarrondorekin. Giroa areago okertuko da Cristóbalek Hubert de Givenchy gaztearen alde egitean, Parisko Goi Mailako Joskintzaren Komiteko arauak hautsiz, bere diseinuen gaineko kontrola edukitzeko.

5. Erregina bat janztea

1960an, Belgikako erregina izango den Fabiola Mora y Aragónen ezkontza-soinekoa enkargatu diote Maison Balenciagari. Baina soinekoaren bozetoak filtratuko dira eta Balenciaga homosexuala dela zabalduko du Coco Chanelek. Balenciagak bere lankide leiala den Ramón egingo du errudun eta tirabirak sortuko dira bien artean.

6. Neu naiz Balenciaga

60ko hamarkadaren amaieran, Cristóbal bere estiloaren gailurrera heldu da. Baina goi-mailako joskintza larri dabil, batetik prêt-à-porterra eta bestetik oihal kaxkarrak direla-eta, eta salmentek behera egingo dute. Maison Balenciaga ixteko arriskuari aurre egiteko, Cristóbalek onartu egingo du Air Franceren eskaintza, azafaten uniformeak diseinatzekoa. Baina dena gaizki aterako da eta mundu berri honetan dena kontrolatzea ezinezkoa dela konturatuko da Cristóbal. 1968an, 73 urterekin, Maison Balenciagak bera gabe ezin duela jarraitu erabaki eta Cristóbalek ixtea erabakiko du.