Crazy fun park

1. Ez dut hazi nahi

Chester eta Mapplethorpe Joana Arc-eko zonbiari buruzko komikia egiten ari dira eskolarako, baina ez diete ontzat hartu. Gauean Crazy Fun Park jolas-parkera joan dira Violetarekin argazkiak ateratzera. Armiarma batek ikaratuta, arineketan irten dira eta Violetak argazki-filma galdu du. Hurrengo egunean, Chester haserretu egin da Mapplethorperekin, eta hau parkera itzuli da, bakarrik, Violetaren argazki-filmaren bila. Hurrengo goizean, mutikoa hilda aurkituko dute jolas-parkean.

2. Gutariko bat

Crazy Fun Park jolas-parkean Chesterrek Mapplethorpe eta parkean istripuetan hil ziren beste mutiko batzuk aurkitu ditu. Mutikoen buruzagiak, Remusek, ez du taldean onartu nahi, bizirik dagoelako. Baina lehiaketa bat irabazita, onartu egin dute, eta orain haietariko bat dela diote. Remus, dena den, ez dago pozik, eta zerbait asmatuko du Chesterren aurka. Violeta, bestalde, Chesterri nola lagundu pentsatzen dago.

3. Askatu

Chester gauero joaten da jolas-parkera, eta gurasoak kezkatuta daude gero eta nekatuago ikusten dutelako. Violetak pika-pika piloa erosten ikusi du, eta gauean parkera jarraitu dio, baina umeak ez dira agertu. Gero, Violetak, egunkari zaharrak aztertuta, parkean hil ziren gaztetxo guztiak aurkitu ditu. Gauean bakarrik joan da jolas-parkera, eta Mapplethorpek ikaratu egin nahi du, baina Chester agertu da. Orain Violetak badaki hildako umeak, espirituan, parkean daudela.

4. Gogoratu nazazu

Gonzoren heriotzaren urteurrena da, eta gaztetxoek ospatu egin dute. Baina Gonzo desegiten ari da. Izan ere, bizien munduan inork gogoratzen ez bazaitu, Crazy Fun Park jolas-parkean deseginda geratzen zara. Chesterrek eta Violetak lagundu egin nahi diote, eta Gonzok arreba gazteagoa daukala aurkitu dute, DJ-a. Hark, irratsaio batean, Gonzoren grabazio zaharrak jarri ditu, oroitzapenak berriztatuz eta Gonzo salbatuz. Baina horrek guztiak Violetarengan ere zerbait piztu du.

5. Elkarrekin betiko

Makrides anaiak oka-makinan elkarri itsatsita geratu ziren hiru anaia dira. Halako batean, Xanderrek, zita nahi du Siobhanekin, eta Destineek eta Violetak antolatu egin die. Chesterrek Oleander jaunari aurkeztu dio bere lana, baina hark ez du ontzat hartu. Mapplethorpek, haserre, haren lan faboritoa apurtu du, baina ziztu bizian itzuli behar izan du parkera. Remusek aholkua behar du, eta Ispiluen Labirintoko izaki misteriotsu batekin hitz egin du.

6. Halloween

Halloween gauean, mamuen gaua izanik, parkeko gaztetxoak mundu errealean zehar ibil daitezke beste edozein mamu bezala. Gehienak hilerrira joan dira; Destineek Bridget ikusi du bere hilobiaren gainean, eta liluratuta geratu da. Chester eta Mapplethorpe saria edo ziria egitera joan dira, Wiest andrea ikaratu dute, eta gustura ibili dira. Remus parkea sortu zuen Edmund Henleyren etxera joan da, eta su eman dio. Eta Tiggerrek Remusen mezu bat eman dio benetako Baba Vangari. Hurrengo goizean Baba Vanga parkera joan, eta Remusi hilak berpizteko araoa eman dio.

7. Lagunak eta sentimenduak

Violetak kezka du Henleyren etxea parkeko gaztetxoren batek erre ote zuen. Chester lana prestatzen ari da Melbourneko Creative Arts Institutuko zuzendariari aurkezteko. Eta Nimrodek Violetari suteari buruzko zerbait esatea eskaini dio mesede baten truke: bere izeba oso gaixorik dago, eta Violetak parkera eramatea nahi du.

8. Nire izena

Nimrodek esan dio Violetari Halloween gauean Remus eskuetatik kedarra garbitzen ikusi zuela. Ikertzeko, Violeta zerbitzari jantzita joan da Henleyren ongintza-festa batera, eta argazki bitxi bat ikusi du. Zedek dio ezin izan duela inoiz gogoratu nola hil zen. Baina, bat-batean, hainbat gauzaz oroitzen hasi da. Chesterren gurasoek uste dute berak erre zuela Henleyren etxea, eta Chester, haserre, parkera joan da ihesi.

9. Geratu

Chester Crazy Fun Park jolas-parkera itzuli da eta bakeak egin ditu Mapplethorperekin. Hurrengo goizean gurasoek ez dute etxean aurkitu eta, eskolakoekin eta poliziarekin batera, bilatzen hasi dira. Violeta hilerrira joan da, Romulusi eta Kibari buruzko informazio gehiagoren bila, eta han Bridget aurkitu du. Honek albiste bat erakutsi dio: Romulus eta Kiba auto-istripu batean hil ziren. Gauean, Chester parkera itzuli denean, Remusek ispiluen labirintora eraman du, eta han Baba Vangaren araoa egin dio.

10. Ispiluak

Chester harrapatuta geratu da ispiluen labirintoan. Remusek, Chesterren itxuraz, Violeta ere hara eraman du. Mapplethorpek parkeko lagun guztiak bildu ditu, eta Nimrodek azkenean Remusen plana azaldu die: arreba berpiztu nahi du, berarekin batera hil eta labirintoan harrapatuta geratu omen zena. Tiggerrek argitu du Remusek Baba Vangaren araoa erabiliko duela bere arreba Kibari Violetaren gorputza emateko.