Café Valparaíso

1. Ray Loriga, TIM su última novela

“Café Valparaíso” podcastaren hirugarren denboraldia “TIM” nobelarekin abiatu dugu, Ray Lorigaren lanik berriena. Ezezaguna zaigun gela batean hasten da eleberria; ez altzaririk, ezta leihotik sartzen den argirik ere ez dugu ezagutzen bertan… Proposamen aberatsa da, identitateaz ari dena, identitatea aurrez aurre topatzeaz, eta teknologiari gure bizitzaren gidaritza hartzen uzten badiogu izan ditzakegun arazoetaz. Jai girotik noiz alde egin behar den jakitearen garrantziaz ere hitz egin dugu aurreneko atalean.

2. Noemí Casquet, "Pirómanas" y libres

Noemí Casquet, kazetaria eta sexualitateari buruzko dibulgatzailea da. “Café Valparaíso” podcastean izan da eztanda bat sortzeko moduko liburu eta proposamena aurkezten: “Pirómanas, cómo incendiar tu vida y despertar tu poder”. Sutsua da Noemí, eta, pospoloak hartuta etorri da, nortasunaz, botereaz, plazeraz eta maitasunari buruz hitz egitera. Kontuz! Orgasmoak indartzeaz bezala aritu baita zure diruak kontrolatzearen garrantziaz.

3. Fernando León de Aranoa, la "Leonera" de las prosas apátridas

“Leonera” gaztelaniaz, haurtzaroko gela da, jostailuz, kaxaz, aldizkari zaharrez, bizikletaz… trastez betetako gela hori da. Helduentzako kaosa, eta haurrentzat askatasun gunea. Anabasa zoragarri horretaz eta denboraren joanak sortzen duenaz hitz egin dugu “Cafe Valparaíso” podcastaren atal honetan Fernando León de Aranoarekin.

4. Maite Esparza, “El verano que aprendí a disparar”

Diana da eleberri honetako protagonista, eta Maite Esparzak herrietako bizitza eta udak ditu hizpide. Garai axolagabea, lagunekin pasatako arratsaldeak, bizikletatik erorita belaunetan egindako zauriak eta baita sexu esnaera ere. Eleberriak, Nafarroa eta Bartzelona arteko pasarteak biltzen ditu. Aldi berean, gure memoriako bi esparrutan; 70. eta 80. hamarkadetan haur izan ginenon nortasuna ezarri zuen memoria eta Alzheimerraren erruz galtzen duguna.

5. Ebbaba Hameida, en el desierto crecen flores y personas

Ebbaba Hameida kazetariak bere lanik pertsonalena azaldu digu “Café Valparaíso” podcastaren atal honetan, “Flores de papel” eleberria. Saharako hiru emakumeren testigantzak bilduz berreraikitzen du Saharako herriaren historia, bere historia. Ebbaba, Tindufeko errefuxiatuen kanpalekuetan jaio zen. Hazi, aurrena Italian eta ostean Estatu Espainiarrean hazi zen. Bizi izan duen kultura talkak, zaildu egin dio nortasuna osatzea. Egoera zaila azaltzen du, edertasunetik ere badu ordea. Areago, basamortuko argiak eta hondarrak inguratzen badu, Afrikako usaina oroimenera ekarri arte.

6. César Pérez Gellida, presenta “Nada bueno germina”

1918ko maiatzaren 20an abiatzen da “Nada bueno germina” eleberriko istorioa. Jaengo banku sukurtsal batean, lapurreta bat gertatzen ari da eta horrek ihesaldi bat eragingo du, gizakiaren “berezko” gaiztakeriaren ondorioz. Sebastian Costa eta Antonia Monterroso dira iheslariak, Cordoba, Madril eta Valladoliden barrena eta Filipinetan ere bai une batez. XX. mende hasierako Bonnie and Clyde dira. “Cafe Valparaiso” podcastaren atal honetan, Cesar Pérez Gellidarekin hitz egin dugu.

7. David Uclés y el costumbrismo mágico

Espainiako Gerra Zibilaren historia orokorrari buruzko eleberria da “La península de las casas vacías” eleberria. Fantasiazkoa tarteka eta beste tarte batzuetan gordina, gatazka guztiak bezain gordina. Hamabost urteko ikerketa eta bidaiak behar izan ditu idazleak Jándula sortzeko. Errealismo magikoaren Macondo gogorazi dezaken herria da edota “Amanece que no es poco” eleberriko beste herri haren tankera bestela. Izan ere, David Uclések, "Cafe Valparaiso" podcastaren atal honetako gonbidatuak, José Luis Cuerdaren eragina aitortzen du historia hau idazterakoan.

8. Alaitz Leceaga, un crimen en la central de Lemoiz

Alaitz Leceaga idazle bilbotarraren "La última princesa" lanak 1992. urtera garamatza. Expo 92-aren urtea, Bartzelonako Olinpiar jokoena, ekonomia onaldian dago... Hilketa bat ere gertatzen da, ordea, eta gorpua Lemoizko zentral nuklearrean azaldu da. Nora Cortazar protagonistaren jaiolekuan. Urte asko dira, ordea, sorlekuan egon gabe. Amaren hiletarako itzuli da eta dena hasten da berriro. Hiltzailea dago herrian edota Gauekoren itzala ote da? Mamuez eta hezur-haragizko hiltzaileez aritu gara “Café Valparaíso” podcastaren atal honetan.

9. Mariana Enriquez, costumbrismo oscuro

"Cómo desaparecer completamente" eleberrian, Martin bere eguneroko errealitate miserablean ezagutuko dugu. Bera eta bere familia desegituratua auzo xume batean bizi dira, tantaka-tantaka batuko diren arazoez beteta. Bere ama, etxetik ia irten ere egiten ez dena; lur jota dagoen arreba; agur esan gabe joan zen anaia... Eta hala eta guztiz ere, Martin aurrera egiten saiatzen da. Martinen nerabezaro etsi horri buruz hitz egiten dugu "Café Valparaíso" podcastean autore ilun eta zoragarri batekin, Mariana Enriquez.

10. Pablo Rivero, cuando el rebaño es un chat del cole

"El rebaño " eleberriaren istorioak orainaren eta iragan hurbilaren artean bidaiatzen laguntzen digu. Duela 3 urte, Halloween egunean, urbanizazio batean bizi zen haur bat desagertu zen eta inork ez zuen berriro ikusi. Arkume larrua duen otso bat dago gurasoen eta irakasleen artean ezkutatuta? Untxi erraldoi batek umeak bahitzen al ditu? Horretaz guztiaz hitz egin dute Pablo Riverorekin “Cafe Valparaíso” podcasten atalean. Edozein bihurgunetan ezkutatzen den gaizkiari adi, baita ikastetxeko gurasoen txatean ere.

11. Virginia Feito nos presenta a una "Victorian Psycho"

“La señora March” eleberriarekin debuta egin ondoren, Virginia Feitok ilundu egin du bere bigarren eleberria: “Victorian Psycho”. Virginiak kontatu digu Poundsen etxearentzat lan egingo duen etxe-andereño berriaren lehen eguna. Winifred Notty gurdi trakets batean iristen ari da, familia nolakoa izango den hausnartzen duen bitartean. Eta denak usain handia du. “Cafe Valparaiso” bideopodcastean usain eta pultsio horietaz hitz egin genuen; komun-usainaz, sukaldeetatik datorrenaz, edo ganbarakoaz.

12. Pedro Mairal, crecer puede ser muy creepy

Batzuetan nerabezaroa babesgabetasuneko etapa bat da, non ez dakizun oso ondo nor zaren, nor izan nahi duzun, eta munduak handiegia dirudi. Identitate baten bila hazteaz mintzo da “Los nuevos” liburuan Pedro Mairal “Café Valparaíso” podcastaren gonbidatua. Eleberri honetan Thiago, Pil (Pilar) eta Brunoren bizitzan murgiltzen gara. Haientzat adiskidetasuna, munduan leku bat bilatzeko modua da. Istorio honetan musika asko entzuten da, Pedrok pertsonaia guztiei bere soinu-bandarekin idazten diela baitirudi.