Bizi natura

1. Hegazti paseriformeak haurrentzat

2. Itsas-bizitza

Ez ditugu ikusten, baina hor daude, ur azpian. Arrainak, krustazeoak, olagarroak… gure itsasoa espezie txundigarri askoren etxea da.

3. Lokaztietako hegaztiak

Moko luzexkak dituzte zizareak eta beste ornogabe batzuk lokatzetan bilatu eta jateko. Migrazio-ibilbide luzeak egiten dituzte gure kostaldera iritsi aurretik, eta hemen hazten dituzte kumeak.

4. Udaberria Urdaibain

Udaberria Urdaibaira iristen denean, loreak zabaldu egiten dira, intsektuak hegan hasten dira, eta natura kolorez eta mugimenduz betetzen da.

5. Hegazti handiak

Urdaibai zeruko autobide handi bat bezalakoa da hegazti harraparientzat, oso altu hegaka dabiltzan hegazti ehiztarientzat. Ibaitik hasita baso sakoneraino, leku magiko honetan hegazti bakoitzak bere lurralde zatia dauka.

6. Marearteko bizitza

Marearteko zabalgunea izeneko paisaia ikusgarria agerian edo ezkutuan geratzen da itsasaldien gora-beherekin. Ur-putzuen, arroken eta algen artean ikusten zailak diren animalia ñimiñoak bizi dira.

7. Okilak

Basoan, lurreko adar eta hostoen artean, oso soinu berezia entzuten da batzuetan: tok, tok, tok. Beren moko indartsuekin enborretan lanean ari diren okilak dira.

8. Igelak

Udaberriarekin batera, igelak kantu norgehiagokan hasi dira bikotekidea aurkitzeko. Batzuk tamainagatik nabarmentzen dira, beste batzuk kantuaren indarragatik. Denek nahi dute arreta bereganatu, abesbatza handi honetan.

9. Enarak

Uhalde-enara da Euskal Herrira lehenengo heltzen den hegazti migratzaileetako bat. Saharatik honaino milaka kilometroko bidaia egiten dute atsedenik hartu gabe. Ezin dute astirik alferrik galdu, habia gutxi gelditzen baita libre urteko sasoi honetan.

10. Narrastiak

Narrasti gehienak, sugeak tartean, gizakiarentzat erabat kaltegabeak dira. Sugegorriak, hemen dauden narrasti espezien artean pozoidun bakarrak, tamaina txikikoak izan ohi dira, eta lurreko zuloetan eta zuhaitzetan ezkutatuta bizi dira.

11. Gaueko bizitza

Guretzat gaua iluntasuna da, baina Urdaibain bizi diren animalientzat soinuz eta usainez betetako mundua da. Haien usaimena, ukimena eta entzumena izugarri indartsuak dira, ia-ia superbotereak!

12. Intsektuak

Euskal Herriko belardietan, lurretik oso gertu, lore artean, naturaren antzezlan honetan paper garrantzitsua interpretatzen duten mota guztietako izaki ñimiñoak bizi dira: intsektuak.