Arrastoan

0. Teaser: Audio ibilbideak oinez edo eserita entzuteko

Arrastoan audio esperientzia bat da; oinez edo etxeko sofatik bizi daitekeena. Hirian barrena egiteko ibilbide zehatz bat proposatzen du atal bakoitzak, hasiera eta amaiera jakin batekin. Errealitatea eta fikzioa nahasten diren geruza narratibo honi esker, sekula ikusi eta entzun ez ditugun bezala biziko ditugu lekuok. Hiriekin daukagun harremana berrinterpretatu, eta soinuak daukan indarra agerian uzten du "Arrastoan" podcastak.

1. Zinemaldia

Atal honek Donostiako Zinemaldiaren arrastoari jarraitzen dio, Kursaaleko txarteldegitik kaiko sardinen usaineraino. Bidean, pantailako izar bat izango dugu beti ondoan. Berak lagunduko digu alfonbra gorriaren gainean ibiltzen, eta berak eramango gaitu aktoreek bereziki maite duten Maria Cristina hotelaren tripetara. Ibilbidea: Kursaal – Victoria Eugenia – Gipuzkoa Plaza – Kontxako hondartza - Kaia Soinu-paisaia Donostian grabatu da.