Bilaketaren emaitzak
Audioa
Soinu-fikzioa
Test
Ezbehar larri baten ondoren, azken generazioko adimen artifizial bati azterketa egitera bidaltzen dute aditu bat. Zehaztu beharrekoa: adimen artifizialak bere buruaren kontzientzia hartu duen ala ez jakitea. Test gisa hasten dena manipulazio eta kontrol-joko konplexu bihurtzen da, eta protagonistak bezalaxe entzuleak ere zalantzan geratuko dira sarritan zer den erreala eta zer den adimen artifizialaren diseinuaren parte.
Audioa
Soinu-fikzioa
Zure ilunetan
“Zure ilunetan” kontakizun intimista eta aztoragarria da, iluntasun fisiko eta emozionalean murgiltzen den pertsona baten barruko ahotsaren bidaia. Antzerki kutsua du podcastak, atmosferikoa da eta sakoneko emozioak biltzen dituena. Protagonistaren pasarte mingarriak, ametsak eta iraganeko zaurietatik abiatuta egiaren bila dabilen pertsonaren barne borroka azaleratzen du. Ez da kontakizun lineala, eta istorio puzzlea biltzen du bost ataletan zehar. Xabin Fernandezek idatzitako gidoia du oinarrian. Gidoi honek irabazi du, hain zuzen ere, EITB Mediak Tabakalerarekin elkarlanean sustatzen duen Audiogile Berrien lehiaketako bigarren edizioa.
Bideoa
Komedia
DBH
Euskal ikastetxe bateko irakasle taldearen xelebrekeriak biltzen dituen telesaila.
Bideoa
Telesaila
Pilotari
Julen Gortari pilotari gaztearen bizipenak dakartzan telesaila.
Bideoa
Komedia
Eskamak Kentzen
Kontserba lantegi batean girotutako telesaila. Lanbide zaharra utzi nahi ez duten eskabetxera talde baten eguneroko bizitza du ardatz.
Bideoa
Komedia
Kutsidazu bidea Ixabel (Telesaila)
Josean Sagastizabalek izen berarekin argitaratutako eleberrian oinarrituta dagoen telesaila. Hogei urte inguruko gazte donostiar bat, Juan Martin hainbat urtetan euskara euskaltegietan landu ondoren, Gipuzkoako herri txiki bateko baserri batera abiatuko da, benetako euskara ikasteko asmoarekin.
Bideoa
Telesaila
Jaun eta Jabe
Telebistan lortutako arrakasta aprobetxatuz, Jose Antonio Arizkorreta 'Super Arizko' sukaldaria lehendakari bihurtu da. Ezkonduta dago eta bi seme-alaba ditu. Familiaren artean eta lanean gertatutako pasadizoak kontatzen ditu telesailak.
Bideoa
Komedia
A ze parea, karakola eta barea!
Telesail honetan langile klaseko bi ahizparen gorabeherak aurkezten zaizkigu. Bizitzak bide oso desberdinetatik eraman ditu biak. Edurne negozioetarako bizkorra den bilbotar batekin ezkondu da, eta aurrera egitea lortu du haren ondoan; gaur egun luxuzko urbanizazio batean bizi dira. Maiteren bizitza, berriz, ez da hain erosoa, eta ez du bere gizarte-maila hobetzeko itxaropenik ere, donostiar alfer, jokalari eta lotsagabe batekin bizi da; Maitez aprobetxatzeaz gain, adarrak jartzen dizkio etengabe.
Bideoa
Komedia
NoaOa!
Astebururako plan desberdinak eta ekintzak egiteko alternatiba berriak proposatuko dituen umore saioa. Anjel Alkainekin batera, Mikel Laskurain, Ana Elordi, Ainere Tolosa, Jon Iraola, Egoitz Lasa, Mikel Pagadizabal Pagadi eta abar ikusiko ditugu.
Bideoa
Telesaila
Ertzainak
Mikel eta Samuel Bergarako komisaldegiko ertzainak dira. Izaeraz oso ezberdinak dira eta elkarren eskutik hainbat kasu argitu beharko dituzte.
Bideoa
Komedia
Bertan zoro
Osakidetzatik kanporatutako sendagile batek gaixo mentalentzako eritegi bat irekitzea erabaki du. Horretarako erizain zital bat eta bere lanbideaz ezer ez dakien erizain lirain bat kontratatu ditu. Bere eritegia mota guztietako pertsonaiek bisitatu dute: babes bila dabilen gangster batek, basapiztiarik gabeko piztia-hezle batek, apaiz irudikor batek, piromano tutudun batek, ezkonberri batek, gerra bila dabilen militar batek, espekulatzaile batek, eta abar.
Audioa
Soinu-fikzioa
Ahalaken
Desagerpen batek eta euskal museotan gordetako pista eta sinboloek dardarka jar ditzakete Irulegiko Eskuaren eta Euskararen inguruko oinarri guztiak. Iratxe Malkorra, Irulegiko Eskua aurkitu zuen arkeologoa desagertu egin da, arrastorik utzi gabe. Ikerketa ahalegin guztiak antzuak izan direla ikusita, bere alaba Jonek ekingo dio bilaketa lanari, amak eman zituen azken pausoei jarraituz. Hari bati tiraka hasita, mataza osoa askatzera iritsiko da, amaren desagerpenaz, Irulegiko Eskuaren idatzi ezkutuaz eta euskararen jatorriaren inguruko misterioaz “gehiegi” deskubritzeraino. Jakin-mina, ordea, garesti atera dakioke; bai baitago sekretuak -eta sekretuetara askotxo gerturatzen direnak- kate motzean lotzeaz arduratzen den jendea… Jonek podcast batean kontatuko du intrigaz eta azpikeriaz beteriko soinu-fikzio misteriotsu hau, Irulegiko Eskuko inskripizioen eta Euskararen jatorriaren inguruko orain arteko hipotesi guztiak hankaz gora jarri ditzakeena.
Bideoa
Entretenimendua
Biba zuek!
Maddalen Arzallusek eta Xabier Sukiak aurkeztutako saioa. Gaurkotasuna eta gai sozialak jorratzeaz gain, egunero protagonista bat izango dute, eta kolaboratzaile zerrenda luzea.
Bideoa
Umorea
Barre Librea
Aitziber Garmendiak eta Jon Plazaolak gidatutako umore saioa. Astero, punta puntako euskal aktoreak hartuko dituzte gonbidatu platoan.
Bideoa1:30:49
Drama
Soinujolearen semea
David Imazek Euskal Herritik ihes egin behar izan zuen 70eko hamarkadaren erdialdean, traidoretzat hartu zuten eta bere ingurukoek alde batera utzi zuten. Kalifornian zorionaldia aurkitu arren, lehenaldiak zama bat izaten jarraitzen du oraindik, eta erru sentimenduak ez dio uzten bere bizialdiko azken egunei soseguz aurre egiten. Joseba Altuna, txikitako bere laguna, azken agurra ematera, eta bide batez konpondu gabeko kontuak argitzera joan zaio. Aspaldi batean ez zuten elkar ikusi; garaia zen, ordea, egiari aurre egiteko. Bernardo Atxagaren izen bereko nobelaren egokitzapena.
Bideoa16:36
Laburmetraia
Sorbeltza
Belaontzi bat hiru pertsona dituela itsasoratzen da, bi emakume eta gizon bat, triangelu bitxi bezain misteriotsu bat osatuz. Itsas zabaleko bainuak, gaueko elkarrizketak eta tentsio sexualak izango dituzte, eta nabigazioa insomnio sukartsu batek eta askatasun beharrak gidatuko dute.
Bideoa1:06:16
Fikzioa
Etxekoak
Jon eta Itziar Endika, Mikel eta Ane seme-alaben gurasoak dira. Familiaren egunerokotasuna apurtuko du gertakari batek: Itziarrek lan mundura itzultzeko proposamena jasoko du eta honek liskarrak sortuko ditu bikotekideen artean. Bestalde, hogeigarren urteurrena ospatzeko festa prestatu nahiko diote Itziarri Jon eta seme-alaben artean, baina gauzak ez dira uste bezain errazak izango.
Bideoa1:41:20
Fikzioa
Arriya
Euskal Herriko mugako herri batean, bi familia apustu batean murgilduta bizi dira. Erronka horrek eramanik, hiru gazte maiteminduren bizitzek topo egingo dute.
Bideoa1:46:53
Fikzioa
Umezurtzak
Alicia epailea da, ETAk hil zuen bere aita bezala. Orain Ricardo senarrarekin bizi da Bilbo aldeko urbanizazio batean. Ondoko etxean bikoteak oso lagun duen Rosa bizi da Maria alabarekin, laster Andonirekin harreman gatazkatsua hasiko duen nerabea. Andoni auzo marjinal batean bizi da, ETAko kide izandako Antonio aitarekin. Sei pertsonaia horiek elkarren aurka arituko dira, egungo zein iraganeko gertakarien korronteak eramanik, eta denengan eragingo du umezurtz izatearen sentipenak.
Bideoa1:38:46
Komedia
Kutsidazu bidea Ixabel (Filma)
Hogei urte inguruko gazte donostiar bat, Juan Martin, urte batzuetan euskara euskaltegietan landu ondoren, Gipuzkoako herri txiki bateko baserri batera abiatuko da benetako euskara ikastera.
Bideoa1:42:57
Drama
Berri ona
Nafarroako langile-herri bateko parroko izendatu dute Migel, 1936ko matxinadaren bitartean. Gerraren bidegabekerien eta ankerkerien lekuko da eta kaltetuen alde jokatzea erabaki du, bere burua ere arriskuan jarrita.