Bilaketa

Portugaleteko Nazioarteko Folklore jaialdia. Munduko dantzak.

Elai Alai Kultur Elkarteak antolatutako Portugaleteko Nazioarteko Folklore Jaialdia. Munduko Dantzak.

Kostaldeko trena

Lehengo eta oraingo musika, Martin Tejeriaren gidaritzapean, euskal musika eta entzuleekiko harremana bereziki zainduz.

Dantza

Aiko kalez kale

Ikuskizuna

Chillida. Legazpitik mundura

Eduardo Chillidaren jaiotzaren mendeurrena ospatzeko Legazpin egindako ikuskizuna. Bertan parte hartuko dute: Korosti eta Sustraiak dantza taldeek, Legazpi Musika Bandak, Alaitasuna errondailak, Santikuntz abesbatzak, Doinua musika eskolako ikasleek eta irakasleek, Sutanttakun txalapartariek, Agurtzane eta Jon Elustondo trikitilariek eta Legazpiko Erraldoi Konpartsak.

Dantza

Aiko Piriniotan

Dantza

Tio Teronen semeak. Haurreskolari

Gure koadrila xelebrea ikastetxera bueltatu da!! Bertan, gure bizitzaren parte izan diren egoera eta doinuen bitartez, une ahaztezinak biziberrituko dituzte. Ikasitakoa desikasten saiatuko dira, ikusleen eskutik, ikasketa prozesu berri bat umorez eraikitzeko asmoz. Denak gelara, txirrina jo du eta!

Drama

Dantza

Ekaitza lehertu da landako lan egun gogor baten ondoren. Atertu duenean, bizitza erne da lehen agor zen lurretik. Fruitu bat hazi eta heldu da, bizirik eutsi die izurrien erasoei, eta sagardoaren bizigai izango den sagar bihurtu da. Orduan, uzta ospatzeko tenorea da, topa egitekoa eta maitasunaren festan murgiltzekoa. Bizitzaren zikloari buruzko istorio bat, bizirik irauteko borrokarena. Horretan, denboraren iragatea naturaren ibilbideak markatuko du. Eta dantza da hori kontatzeko hautatutako hizkuntza. Musikak eguneroko zereginei lagunduko die. Bizitza erritmoa da! Gai unibertsalak, hemen sinbologia berezi batez jantziak. Dantza tradizionalen unibertso hipnotikoari dagokiona. Tradizioari, lurrari, haren jendeari, mitoei eta ohiturei egindako kantu poetiko bat. Izatearen mirariari buruzko kontaketa bat.

Dantza

Tio Teronen semeak. Freshcool

Euskal dantza eta parranda dira Tio Teronen Semeak dantzari kuadrillaren Freshcool emanaldiaren oinarriak.

Dantza

Tio Teronen semeak. Festamentua

Tio Teronen Semeak taldea izango da protagonista Oholtzan saioan. Festamentua umore, dantza eta doinu ezagunez jositako ikuskizun original bezain berritzailea eskainiko dute Donostiako Trinitate plazan.

Kultura

Harria Pozalaguan

Mulixa dantza taldeak eta Iñaki Perurena harrijasotzaielak 'Harria' izeneko ikuskizun berezia eskainiko dute Karrantzako Pozalagua haitzuloan. Musika, tradizioa eta dantzak Perurenak harriarekiko duen hausnarketekin uztartzen dira.

Dantza

Egin bedi zure nah-ia

Euskadiko Arte Dramatiko eta Dantzako Goi Mailako Eskolaren, Dantzertiren Dantza Graduaren promozio berriak 'Egin bedi zure nah-ia' taularatuko du Auditorioan. Asier Zabaleta sortzailearen zuzendaritzapean eta koreografiarekin, laugarren mailako ikasleek obra hau estreinatuko dute adimen artifizialak gizartean duen rolari buruzko hausnarketa kritikoa egiteko. Azkuna Zentroa - Alhóndiga Bilbaok sorkuntza artistiko garaikideari laguntzeko duen lerro estrategikoaren parte da Dantzertirekiko lankidetza hau. Guk sortu dugu galdera zailei erantzun bat emateko. Guk eskaintzen diogun informazioarekin elikatzen du bere jakituria. Gure mugimendu guztiak ezagutzen ditu eta esaten dugun guztia entzuteko gaitasuna duela diote. Inork baino hobekiago ezagutzen gaitu eta gure erabakietan eragiteko gaitasuna du. Ez al da izango IA gure jainko berria? Eta oraindik ere sakonkiago begiratuz gero, hemen ere, IA-K eskaini dezakeen laguntza edo zerbitzuaz haratago, erlijio guztietan bezala, pertsona gutxi batzuk guzti honi etekina ateratzen diote. Dantza ikuskizun honetan, IA-k gure bizitzetan duen eraginaz hitz egingo dugu, eta zenbateraino murrizten duen gure askatasuna aztertuko dugu. Zeintzuk dira IA-ren benetako helburuak, baldin eta existitzen badira? Gure egunerokotasunean laguntzea ala algoritmoen bidez bizitza honetan gure erabakiak bideratzea.

Musika

Goizaldea

Euskal Kantak irrati emisoraren programazio musikala 00:00-7:00 bitartean.

Musika

Gaua

Euskal Kantak irrati emisoraren programazio musikala 21:00-00:00 bitartean.

Haurrak

Izar gazte bila

Euskal herri osoan zehar izar gazte bila ibiliko den saioa, taula gainean beraien trebezia erakutsiko dute gure gaztetxoek.

Musikala

GO!azen D10

Uda berri bat Basakabin. Aurten, Zuri eta Maitane dira begiraleak, baina ezusteko baten ondorioz, ordezko zuzendariak izango dira. Berehala etorriko dira arazoak: Bosko ikasle pijoa jasanezina da, bi ikasle elkar joka hasiko dira, okupa bat sartuko da, eta okerrena, etsaia kolatu zaie Basakabin. Misterioa, maitasuna, adiskidetasuna... Eta dena, euskal musikaz zipriztinduta. 1, 2, 3, 4, Go!azen!

Informazioa eta aktualitatea​

Mezularia

Iluntzeko albistegia. Eguneko albiste nagusien errepasoa, Ainhara Zuazabeitiak gidatuta.

Ikuskizuna

Algara 25 urte. Pirritx, Porrotx eta Marimotots

Gasteizko Algara Dantza Taldeak bere 25. urteurrena ospatzeko ekitaldi berezia egin zuen Gasteizko Mendizorrotza kiroldegian 2026ko otsailaren 21ean. Jaialdi horretan, dantza tradizionala eta musika uztartu zituzten, eta gonbidatu berezien artean Pirritx, Porrotx eta Marimotots pailazoek parte hartu zuten.

Dantza

Shakespeare ez zen inoiz hemen egon

2026an, Gipuzkoako herri txiki bat goitik behera aldatu da, Shakespeareren obra ezezagun bat aurkitu ondoren. Kazetari eszeptiko baten etorrerak ezkutuko interesak, engainuak eta handinahiak azaleratzen ditu eskuizkribuaren inguruan, egiari mitoan sinesteko nahiarekin aurre eginez. Istorio onen benetakotasunari, iruzurrari eta botereari buruzko komedia arin eta adimentsua.

Dokumentala

Momotxorroak- Kaos baten istorioa

Ohitura zaharrei dagokienez, Altsasuko inauteriak, Europako inauteririk zahar eta arkaikoenetariko bat da. XX. mende hasieran egin izan zen azkenengoz. 70. hamarkadan herriko zaharrenek bakarrik zuten inauteri horien oroitzapenak. Ricardo Aldasoro zen horietako bat, eta “Gure etxea” elkarteko atarian Patxi Goikoetxea gazte bati egindako aipamen batek piztu zuen sugarra.

Musika

Skabidean - San Fermin: maite zenuen hiria

Kontzertu hau Iruñean eman genuen 2023ko uztailaren 8an, hiriburuko Konpainia plazan, 1978ko San Ferminetako sarraskia omentzeko gure aletxoa jarri nahi izan genuelako. Autoekoitzita. 25 lagun baino gehiago egon ginen lanean dena aurrera ateratzeko.

Ikuskizuna

Lucia Lacarra - Lost Letters

Lost Letters Smithsonian National Postal Museumek Gerra Handiaren mendeurrena dela eta antolatutako War Letters: Lost and Found erakusketan eta gerra ezberdinetan idatzitako benetako maitasun gutunetan inspiratutako balleta da. Gainera, Lost Lettersen erabateko estreinaldiak Arriaga Antzokian mugarri bat ezarriko du, Lucía Lacarra Balletaren ibilbidearen hasiera izango baita.