Irabazi arte

1. Nerea Eizagirre, Realeko kapitaina

"Irabazi arte" podcastaren lehenengo atalean, Arenek eta Norak idolo duten kirolarietako batekin hitz egiteko aukera izan dute! Nerea Eizagirrek, Realeko kapitainak, gazteen galdera guzti-guztiak erantzun ditu: bere ibilbidea errepasatu du, etorkizuna nola ikusten duen azaldu, eta emakumeen futbola asko profesionalizatu dela azaldu die, nahiz eta oraindik aurrerapausoak eman behar diren, mutilen futbolaren ohitura txarrak hartu gabe. Eman Play podcastaren aurreneko atalari!

2. Maitane Urbieta, kirol kazetaria

Maitane Urbieta, Euskadi Irratiko kirol kazetari eta esataria, etorri da gonbidatuta "Irabazi arte" podcastera. Maitanek, kirolariak elkarrizketatzeko aholkuak eman dizkie Arene eta Norari, eta bere lanaren gorabehera guztiak kontatu dizkie: nolakoa den partiduak zuzenean kontatzean lortzen den adrenalina (eta ondorengo beheraldia!), zerekin egiten zuen amets txikitan eta zein den kontatu eta kantatu nahiko lukeen momentua, besteak beste. Gogoratu, Maitane izan dela 2021ean Europa Ligako futbol partidetan esatari lana egin duen emakumezko bakarra eta golak kantatzeko abilezia berezia erakutsi duela momentu esanguratsuetan.

3. Nadeth Agirre, Orioko traineruko patroia

Nadeth Agirre etorri da aste honetan Nora eta Arenekin hitz egitera! Emakumeen trainerua sortu zenetik Orioko patroia da Nadeth, eta patroi on baten ezaugarriak azaldu dizkie neskei "Irabazi arte" podcastean. Arenek eta Norak Orioko herrian arraunketa nola bizi den galdetu diote, eta baita nolakoa den emakumeen ikuspegia kirol honetan, besteak beste. Entzun "Irabazi arte" podcastaren hirugarren atala Nadethen erantzunak jakiteko!

4. Irene Paredes, futbolaria

"Irabazi arte"ren atal honetan, Nora eta Areneren idoloa etorri da podcastera: Irene Paredes futbolaria! Irenek Barçarekin liga irabazi du 2022an! Gainera, Espainiako selekzioko kapitaina ere bada. Arene eta Norari azaldu die, nerabe garaian, erreferenterik ez zuenez, futbolaria izateko ametsik ez zuela izan, eta orain, bera de neskentzako erreferentea! Nolakoa da egun normal bat Irene Paredesentzat? Nolakoa zen nerabea zenean? Bazenekien oso trebea dela hizkuntzetarako?

5. Uribarri Barrutieta, errugbi jokalaria

Arene eta Nora Uribarri Barrutietarekin elkartu dira podcastaren atal honetan, errugbiari buruz hitz egiteko! Uribarrik Eibarren jokatzen du, eta baita "Las Leonas" direlakoekin ere, Espainiako selekzioan. Learoko printzesek sekulako grina dute hainbat gauza jakiteko. Min handia hartzen ote dute jokalariek plakaketak egiterakoan? Nolakoak dira errugbiko hirugarren denborak? Errugbiarekin bizimodua aurrera atera daiteke?

6. Agurtzane Egiluz, saskibaloi egokituko jokalaria

Atal honetako gonbidatua kirolari paralinpikoa da! Agurtzane Egiluz, gurpildun aulkiko saskibaloi jokalaria etorri da Nora eta Arenerekin hitz egitera. Istripu baten ondorioz hasi zen Agurtzane saskibaloi egokituan, eta Tokioko joko paralinpikoetaraino iritsi da. Eta hori hasiera baino ez da! Agurtzaneren historia ezagutu nahi baduzu, ez galdu "Irabazi arte" podcastaren seigarren atala!

7. Karmele Gisasola, herri-kirolaria

8. Garazi Murua, Athletic-eko kapitaina

Garazi Murua, Athleticeko kapitana, etorri da Irabazi arte podcastera! Arenek eta Norak denetatik galdetu diote, eta berak emakumeen futbolaren egoera nola ikusten duen azaldu die. Nola aldatu den eta zer aurrerapauso eman beharko liratekeen oraindik ere. Ez galdu "Irabazi arte" podcastaren atala!

0. "Irabazi arte podkast"a sortzen

"Irabazi arte"ko Norak eta Arenek podcast bat egitea pentsatu eta erabaki dute. "Irabazi arte podkast"a izendatuko dute. Peiok, Areneren aitak eta Noraren amak lan egiten duten irratiko estudioa baliatuko dute bururatzen zaizkien emakumezko kirolariak elkarrizketatu eta podkasta egiteko. Dagoeneko ari dira elkarrizketatu nahi dituzten kirolarien zerrenda egiten eta sintonia ere badute, Eman Playri zuk ere entzuteko.