Beste 40 urtean

40 urteko krisiaz, 80 urteko Benito Lertxundi eta Ramon Agirre

<p>Euskadi Irratiaren urte berean, 82an, jaiotako eta aurten 40 urte beteko dituzten Aitziber Garmendia, Jon Plazaola eta Irati Anda. Haiekin ari garela Garbiñe Agiriano psikologoaren aholkuak '40 urteko krisiari' nola aurre egin ikasteko eta, gainera, aurten justu 40ren bikotza, 80 urte bete dituen Benito Lertxundiren bizi-irakaspenak. Saioaren bigarren zatian 40 urteotako zineko euskal aktore 'nazioartekoenarekin' berriketaldia, Ramon Agirrerekin.</p>

40 urte liburuak saltzen Donostiako Hontzan eta Iñigo Lamarcarekin hipodromoan

<p>Euskadi Irratia baino hiru egun zaharragoa da Donostiako Hontza liburudenda. Bertan izan da Manu Etxezortu Ramon Tatiegirekin eta Esther Moyuarekin. Gainera, Iñigo Lamarcarekin hipodromoan ere izan da. Arartekoa izan zelako ezagutzen dugun arren, gaztetan zaldi-lasterketen kronikak egin zituen irratirako.</p>

Serrat Villabonan bizi izan zenekoa eta iraultza sandinista

<p>Serrat Villabonan bizi izan zen. Ez denbora tarte luzean, baina Gipuzkoako herri hori izan zuen bizileku. Miguel Ceberiorekin aritu gara horri buruz. Bestalde, zergatik txunditu gintuen euskaldunok iraultza sandinistak? Juanjo San Miguel lankidearekin aztertu dugu gaia.</p>

Pili Manterola eta Patxi Huarte

<p> Getarian bisita gidatua egin dugu urtetan gure sukaldari izandako Pili Manterolarekin. Gainera, Euskadi Irratian soinu-teknikari pratikak egin eta orain egunero 'Berria'n umore-zinta egiten duen Patxi Huarte 'Zaldieroa'rekin egin dugu zita Iruñeko Katakraken.</p>

''Furgoneta eta irratia, bikote egokia'' eta ''Elgeta Tibeten pare''

<p>Aitor Ruiz de Angulok furgoneta du lantoki eta bere furgonetan ibili gara Euskadi Irratiaz eta bere bizitzaz berriketan. Gillermo Burgoak bere furgoneta arraindegi bihurtua du, eta herriz herri ibiltzen da arraina saltzen. Elgetan egin dugu hitzordua Gillermorekin eta han bertan, Maialde ostatuko Izarra Arriaranek eta Jesus Calvoetxeagak esan digute, turisten iritziz Elgetak ez liokeela Tibeti inolako inbidiarik izan behar.</p> <p> </p>

Ez eman hautatzeko MaConak eta Sarriegitarren artean

<p>McOnak taldeko biolinista Irati Irizar irrati entzule amorratu da eta harekin aritu gara kontu-kontari, Donostiako Santo Tomas Lizeoko ikaslez inguratuta. McOnaken azken diskoan, 'Bitakora' izenekoan, Gorka Sarriegik parte hartu zuen. Lotura honek, Sorotan Bele talde mitikoko kantariarekin hitz egiteko aitzakia eman digu. Gorkaren aita, Joxe Mari Sarriegi urte luzez Euskadi Irratiko atletismo aditu izan zen.</p>

Irratia burkoaren azpian eta autobuseko bozgorailutik

<p>Patrikako telefono bidezko kontsumoa asko hazi den arren oraindik jende askok irratia pila bidezko betiko aparailuen bidez entzuten duela kontatu digu Arantxa Zabala etxetresna elektriko saltzaileak. Irratiaren iraganaz eta etorkizunaz gogoeta egiteko Jaime Otamendirekin hitzordua egin dugu, eta hark esandako gauza batek autobusa hartzera eraman gaitu, eta gainera, Berastegiko aspaldiko Etxabe autobusen historia gogora ekartzera.</p>

Karmelo Urdangarinen dizipuluak

<p>Aurreko mendearen amaiera aldera Euskadi Irratiko 'Goizean Behin' saioan bazen ekonomia solasaldia. Karmelo Urdangarin kooperatiba munduarekin estuki lotutako aditu eskarmentudunarekin batera hiru ekonomialari gazte elkartzen ziren: Edu Malagon, Joseba Garmendia eta Joseba Barandiaran. 2021. urtean hil zen Karmelori merezitako omenaldia egingo diogu (bere betaurreko lodien aipamen eta guzti), eta gainera orain dela 20 urte bezala aktualitatea ulertzen lagundu digute denborarekin Karmelo bezain eskarmentudun bihurtu diren ekonomialariek.</p>

40 urte Mariasunentzat eta 40 urte Joxe Marirentzat

<p>Hasiera-hasieratik, 1982.urteko azarotik da Euskadi Irratiaren entzule Mariasun Ubiria. Gogoan ditu aspaldiko saioak eta buruz daki irratiaren gaur egungo programazioa ere. Harekin aritu gara kontu-kontari Lekeition. Donostian egin dugu hitzordua berriz, Euskadi Irratiko lehen zuzendari Joxe Mari Oterminekin. Irratia martxan jartzeko ilusioaren ondoan, Euskadi Irratiak nolako eredua izan behar zuen erabakitzeko orain 40 urte izandako 'eztabaidak' ez ditu ahaztu.</p>

Euskadi Irratia sortu zen egunean (orain dela 40 urte) gertatuak

<p>1982ko azaroaren 23an aireratu zen lehen aldiz Euskadi Irratia, eta egun horretan bertan gertatutako batzuk gogoratuko ditugu. Tolosan euskararen egoerari buruzko mahai-ingurua egin zuten alderdi politikoen artean, eta bertan moderatzaile aritu zen <strong>Kike Amonarriz</strong>. Frantziako itsas-patruila batek Baionara atxilotuta eraman zituen baxurako sei arrantzontzi; <strong>Eusebio Arantzamendi</strong> arrantzale izana guztiaren testigu. Eta irratia sortu zen egun hartan zine-karteldegian 'Brianen bizitza' zegoela ikusteak film arrakastatsu honi buruz SADE enpresako <strong>Iñaki Elortza</strong>rekin hitz egiteko aitzakia eman digu.</p>

Euskadi Irratia sortu zen egunean (orain dela 40 urte) gertatuak

<p>1982ko azaroaren 23an aireratu zen lehen aldiz Euskadi Irratia, eta egun horretan bertan gertatutako batzuk gogoratuko ditugu. Tolosan euskararen egoerari buruzko mahai-ingurua egin zuten alderdi politikoen artean, eta bertan moderatzaile aritu zen <strong>Kike Amonarriz</strong>. Frantziako itsas-patruila batek Baionara atxilotuta eraman zituen baxurako sei arrantzontzi; <strong>Eusebio Arantzamendi</strong> arrantzale izana guztiaren testigu. Eta irratia sortu zen egun hartan zine-karteldegian 'Brianen bizitza' zegoela ikusteak film arrakastatsu honi buruz SADE enpresako <strong>Iñaki Elortza</strong>rekin hitz egiteko aitzakia eman digu.</p>

Juan Carlos Perez eta Arantxa Irastorza

<p>'Agur Jaunak' izan zen orain dela 40 urte Euskadi Irratiak antenaratu zuen lehen doinua eta ondoren Itoiz taldearen 'Ezekielen esnatzea I'. Juan Carlos Perez taldeko kantariarekin hitz egiteko arrazoia eman digu horrek eta horrela jakin dugu musikari ospetsuak txiki-txikitatik maite izan duela irratia, musika ezagutzeko eta fantasiarako bidea zabaldu izan dizkiolako. Haurra zela etxean gaixo igarotzen zituen egunak irratiaren konpainiaz gogoratzen ditu Perezek. Aspaldi bukatutako Itoiz talde mitikoa euskaldun askoren oroimenean dago, besteak beste, Arantxa Irastorza gure lankidearenean, Euskadi Irratiaren lehen egunetik lanean ari da bera eta musikaz jantzi ditu guretzat bere irrati oroitzapenak.</p>